අන්දමන් දූපත් ආශ්රිත ගැඹුරු මුහුදු ප්රදේශයේ නිර්මාණය වී ඇති අඩු පීඩන කලාපයක් හේතුවෙන් ඉදිරි දින කිහිපයේදී එහි ඇතිවිය හැකි තද සුළං සහ රළු මුහුදු තත්ත්වය නිසා, එම ප්රදේශයේ ධීවර කටයුතුවල නිරත සියලුම බහුදින ධීවර යාත්රාවලට වහාම එම ප්රදේශයෙන් ඉවත් වී ආරක්ෂිත මුහුදු ප්රදේශ වෙත ගමන් කරන ලෙස ධීවර හා ජලජ සම්පත් දෙපාර්තමේන්තුව දැනුම් දී තිබේ.
මෙම අඩු පීඩන කලාපය ක්රමයෙන් බලවත් වී ඉන්දියාව දෙසට ගමන් කර ඉන්දීය ගොඩබිම වෙත ළඟාවීමේ ප්රවණතාවක් පවතින බව ධීවර හා ජලජ සම්පත් දෙපාර්තමේන්තුවේ අධ්යක්ෂ ජනරාල් සුසන්ත කහවත්ත මහතා සඳහන් කර ඇත. ඒ අනුව, අන්දමන් සහ උතුරු බෙංගාල බොක්ක ආශ්රිත මුහුදු ප්රදේශයේ සිටින බහුදින යාත්රා කඩිනමින් දකුණු දිශාවට, එනම් ශ්රී ලංකාව දෙසට ගමන් කරන ලෙසත්, කුඩා පරිමාණ ධීවරයින් දෛනික මුහුදු තත්ත්වය පිළිබඳව අවධානයෙන් පසුවන ලෙසත් ඉල්ලා තිබේ. දිවයින පුරා ධීවර කටයුතු තහනම් කිරීමට මෙතෙක් තීරණය කර නැතත්, මුහුදු යන අවස්ථාවලදී ජීවිත ආරක්ෂක කබා අනිවාර්යයෙන්ම පළඳින ලෙස ධීවරයින්ට උපදෙස් දී ඇත.
