මත්ද්‍රව්‍ය ජාවාරමෙන් උපයාගත් මුදලින් මිලදී ගත් බවට සැක කෙරෙන රුපියල් මිලියන 8ක් පමණ වටිනා බස් රථයක් දින 14ක කාලයක් සඳහා අත්හිටුවීමට නීතිවිරෝධී වත්කම් විමර්ශන කොට්ඨාසය පියවර ගෙන තිබේ.
2026 පෙබරවාරි 13 වැනිදා තලංගම පොලිස් වසමේ රථගාලක් තුළ අඹුසැමි යුවළක් ඝාතනය කිරීමේ සිද්ධිය සම්බන්ධයෙන් බස්නාහිර පළාත් දකුණ දිසා අපරාධ කොට්ඨාසය විමර්ශනයක් ආරම්භ කර තිබිණි.
එම අපරාධයේ වෙඩික්කරු ප්‍රවාහනය කිරීමට යොදාගත් බවට සැක කෙරෙන බස් රථයක් විමර්ශන නිලධාරීන් භාරයට ගෙන තිබූ අතර, ඒ සම්බන්ධයෙන් නීතිවිරෝධී වත්කම් විමර්ශන කොට්ඨාසය සිදු කළ විමර්ශනයේදී එම බස් රථය මත්ද්‍රව්‍ය ජාවාරමෙන් උපයාගත් මුදලින් මිලදී ගෙන ඇති බවට අනාවරණය වී තිබේ.
ඒ අනුව, අදාළ බස් රථය 2026 ඔක්තෝබර් 23 වැනිදා සිට දින 14ක කාලයක් සඳහා අත්හිටුවීමට පියවර ගෙන ඇත.
සිද්ධිය සම්බන්ධයෙන් නීතිවිරෝධී වත්කම් විමර්ශන කොට්ඨාසය වැඩිදුර විමර්ශන සිදු කරයි.
