අවිධිමත් පූර්ව ළමාවිය අධ්යාපන රටාව වෙනස් කරමින්, එම ක්ෂේත්රයේ ගුණාත්මකභාවය සහ වෘත්තිකභාවය ඉහළ නැංවීමට රජය සෘජුව මැදිහත් වන බව අග්රාමාත්ය ආචාර්ය හරිනි අමරසූරිය මහත්මිය ප්රකාශ කළාය. ඇය මේ බව සඳහන් කළේ, “විකසිත වන ළමා ලොවට – හිරු කිරණකි සොඳුරු පවුල” යන තේමාව යටතේ පැවැත්වෙන 2026 ජාතික මුල් ළමා විය රැකවරණ හා සංවර්ධන සතියට සමගාමීව අරලියගහ මන්දිරයේ පැවති වැඩසටහනක් අමතමිනි.
මෙම වැඩසටහනේදී අග්රාමාත්යවරිය සහ කාන්තා හා ළමා කටයුතු අමාත්ය සරෝජා සාවිත්රි පෝල්රාජ් මහත්මිය අදහස් දක්වමින් අවධාරණය කළේ පූර්ව ළමාවිය අධ්යාපනය ජාතික අධ්යාපන ප්රතිපත්තියේ පළමු අදියර ලෙස හඳුනාගෙන, දැනට මෙම ක්ෂේත්රයේ සේවය කරන කිසිදු ගුරුවරියක් ඉවත් නොකර, ඔවුන් සමාන සුදුසුකම් සහිත පිළිගත් වෘත්තිකයින් බවට පත් කිරීමට රජය කටයුතු කරන බවයි.
ස්වයං රැකියාවක් ලෙස පැවති පෙර පාසල් සේවාව, රජය වගකියන නිශ්චිත වෘත්තීය රාමුවක් සහිත සංවෘත සේවාවක් බවට පත් කිරීමට අමාත්යාංශය කටයුතු සූදානම් කරමින් සිටින බවත්, දරුවන් සිටින ස්ථානවල පවතින සනීපාරක්ෂක සහ යටිතල පහසුකම්වල අඩුපාඩු නිවැරදි කිරීමට රජය මැදිහත් වන බවත් ඔවුන් පෙන්වා දුන්හ. එසේම නියුරෝඩයිවර්ජන්ස් හෙවත් මානසික විවිධත්වයන් සහිත දරුවන් පොදු සමාජ ක්රියාවලියට අන්තර්ග්රහණය කරගැනීමේ අවශ්යතාව පිළිබඳව ද මෙහිදී අවධාරණය කෙරිණි.
දිවයිනේ දිස්ත්රික්ක නියෝජනය කරමින් පෙර පාසල් ගුරුභවතුන් 600කට අධික පිරිසක් මෙම අවස්ථාවට සහභාගී වූ අතර, ඔවුන්ගේ වෘත්තීය ගෞරවය ආරක්ෂා කිරීමට රජය කැපවන බව අග්රාමාත්යවරිය වැඩිදුරටත් සහතික විය.
