රජයට අයත් වාණිජ නොවන ආයතන ප්රතිව්යුහගත කිරීමේ පියවරක් ලෙස, කර්මාන්ත ක්ෂේත්රයට අදාළ ප්රධාන ආයතන තුනක් ඒකාබද්ධ කර නව අධිකාරියක් ස්ථාපිත කිරීමට අමාත්ය මණ්ඩල අනුමැතිය හිමිව තිබේ. අග්රාමාත්ය ලේකම්වරයාගේ සභාපතිත්වයෙන් යුත් නිලධාරි කමිටුවක නිර්දේශ මත මෙම තීරණය ගෙන ඇත.
කර්මාන්ත සංවර්ධන මණ්ඩලය (IDB)
ජාතික ව්යවසාය සංවර්ධන අධිකාරිය (NEDA)
කුඩා ව්යවසාය සංවර්ධන අංශය (SED)
මෙම ආයතන ඒකාබද්ධ කර ‘ශ්රී ලංකා කාර්මික පරිවර්තන සහ නවෝත්පාදන අධිකාරිය’ ස්ථාපිත කිරීමට නියමිතය. ආසියානු සංවර්ධන බැංකුවේ (ADB) තාක්ෂණික සහාය ඇතිව සකස් කරන ලද නීතිමය රාමුවට අනුව නව පනතක් කෙටුම්පත් කිරීමට නීති කෙටුම්පත් සම්පාදකට උපදෙස් දීම සඳහා කර්මාන්ත සහ ව්යවසායකත්ව සංවර්ධන අමාත්යවරයා ඉදිරිපත් කළ යෝජනාවට මෙලෙස අනුමැතිය ලැබී තිබේ. මෙමගින් මෙරට කර්මාන්ත සහ ව්යවසායකත්ව ක්ෂේත්රයේ නවෝත්පාදන හා කාර්යක්ෂමතාව ඉහළ නැංවීමට රජය අපේක්ෂා කරයි.
