ශ්රී ලංකාවේ කර්මාන්ත ක්ෂේත්රයේ රැකියා පුරප්පාඩු ලක්ෂ හතරක් පමණ පවතින බවත්, රැකියා විරහිත විශාල පිරිසක් සිටියද අදාළ පුරප්පාඩු පිරවීම සඳහා ඔවුන්ට අවශ්ය සුදුසුකම් නොමැති බව කර්මාන්ත හා ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා පවසයි. 26 වන අපනයනකරුවන්ගේ ජාතික සංසදය අමතමින් අමාත්යවරයා මේ බව සඳහන් කළේය.
අපනයන ක්ෂේත්රයට අවශ්ය තාක්ෂණික ප්රවීණයන් සහ අත්යවශ්ය සේවාවන් සපයන පිරිස් සොයාගැනීමේ ගැටළුවක් පවතින බවත්, එකවර විදෙස් රටවලින් සේවකයන් ගෙන්වීමට කැමැත්තක් නොමැති නිසා රටේ අවශ්යතාව පළමුව සම්පූර්ණ කරගත යුතු බවත් හඳුන්නෙත්ති මහතා අවධාරණය කළේය. වෘත්තීය පුහුණු අධිකාරිය, අමාත්යාංශ සහ විශ්වවිද්යාල සමඟ එක්ව කර්මාන්තවලට අවශ්ය ශ්රමිකයන් බිහි කිරීම සඳහා මේ වන විට සාකච්ඡා කරමින් පවතින අතර, කන්දකාඩු පුනරුත්ථාපන මධ්යස්ථානයේ පිරිස් ද කර්මාන්ත ක්ෂේත්රයට අවශ්ය පාඨමාලා හරහා රැකියාවලට අනුයුක්ත කිරීමට අපේක්ෂා කරන බව ඔහු වැඩිදුරටත් සඳහන් කළේය.
