ශ්රී ලංකාව තුළ දුම්පානය වැළැක්වීම සහ ඉන් ඇතිවන දරුණු සෞඛ්ය හා ආර්ථික බලපෑම් පිළිබඳව සමාජය දැනුවත් කිරීම වෙනුවෙන් “ජාතික දුම්කොළ හා මධ්යසාර පිළිබඳ අධිකාරිය” (National Authority on Tobacco and Alcohol) විසින් නිර්මාණය කරන ලද විශේෂ උපදේශන පත්රිකාවක් මහජන ප්රයෝජනය සඳහා නිකුත් කර තිබේ.
එමඟින් දුම්වැටි භාවිතය නතර කිරීමට බලාපොරොත්තු වන පුද්ගලයන්ට ශක්තියක් වන පරිදි, එය සාර්ථකව ජයගත් මෙරට පුද්ගලයන් රැසකගේ සැබෑ අත්දැකීම් සහ ප්රකාශ ඇතුළත් කර ඇත. “සිගරට් බීමෙන් නිදහස් වුණාමයි දැනෙන්නේ කොච්චර සැපක්ද කියලා”, “යාලුවන්ට කියලා තිබුණ නිසා නවත්වන්න ලේසි වුණා” වැනි ධනාත්මක අදහස් රැසක් මෙමඟින් සමාජගත කර තිබේ.
මෙම උපදේශන පත්රිකාව මඟින් දුම්පානය කරන්නන්ව උසිගන්වන සහ ඔවුන් අධෛර්යමත් කරන පුද්ගලයන්ගෙන් ප්රවේශම් වන ලෙස දන්වා සිටින අතර, දුම්පානය දිගින් දිගටම සිදුකිරීමෙන් සිදුවන දරුණු ආනිශංස රැසක් ද පෙන්වා දී ඇත. ඒ අනුව හෘදයාබාධ, පිළිකා වැළඳීමේ අවදානම ඉහළ යාම (දිනකට ශ්රී ලාංකිකයන් 65 දෙනෙකු දුම්බීම නිසා මියයයි), ලොකු මුදලක් ඉතිරි කරගැනීමට ඇති බාධා (දිනකට සිගරට් 5ක් බොන අයෙකුට මාසිකව රු. 7,500ක් ද, වාර්ෂිකව රු. 90,000ක් ද වැයවේ), ලිංගික බෙලහීනතාවය, ඉක්මනින් වයසට යාම, සහ ආහාරවල රස දැනීම අඩුවීම වැනි කරුණු රැසක් විද්යාත්මකව පෙන්වා දී තිබේ. “තීරණය ඔබ සතුයි” යන තේමාවෙන් යුත් මෙම පත්රිකාව, දුම්වැටි උගුලෙන් මිදීමට වෙරදරන සැමට වටිනා උපදේශන සේවාවකි.
