රුමේනියානු ජනාධිපති නිකුසෝර් ඩෑන් මහතා විසින් තම උපදේශකවරයෙකු වන ඉයුජින් ටොමැක් අද (ජූනි 04) එරට අගමැතිවරයා ලෙස නම් කර තිබේ. දේශපාලන අර්බුදය අවසන් කර ප්රතිපත්තිමය තීරණ ක්රියාත්මක කිරීමේ අරමුණින් මෙම පියවර ගෙන ඇත.
ඉයුජින් ටොමැක් මහතාට රජයක් පිහිටුවීමට සහ පාර්ලිමේන්තුවේ විශ්වාසභංගයකින් ජයග්රහණය කිරීමට දින 10ක කාලයක් හිමි වේ. මීට පෙර පැවති රජය බිඳවැටීමත් සමඟ පක්ෂ අතර නව සන්ධානයක් ගොඩනැගීමට නොහැකි වූ බැවින්, ටොමැක් මහතාගේ කැබිනට් මණ්ඩලය තාක්ෂණික නිලධාරීන්ගෙන් (technocrats) සමන්විත වනු ඇත. පක්ෂ අතර එකඟතාවක් නොමැති හෙයින්, පාර්ලිමේන්තු පක්ෂවලින් ස්වාධීන අගමැතිවරයෙකු පත් කිරීම එකම විසඳුම බව ජනාධිපති ඩෑන් මහතා මාධ්ය වෙත ප්රකාශ කළේය. අයවැය හිඟය පාලනය කිරීම, යුරෝපා සංගමයේ අරමුදල් වෙත ප්රවේශ වීම සහ මූල්ය ස්ථාවරත්වය පවත්වා ගැනීම රජයේ ප්රමුඛතා වනු ඇත. කෙසේ වෙතත්, විසිරුණු පාර්ලිමේන්තුවක් තුළ ටොමැක් මහතාගේ කැබිනට් මණ්ඩලයට දිගුකාලීන සහයක් හිමිවේද යන්න පිළිබඳව දේශපාලන විශ්ලේෂකයන් සැක පළ කරයි.
