සෑම දරුවෙක් කෙරෙහිම සංවේදී කෝණයකින් බලන සමාජ තත්ත්වයක් රට තුළ ඇති කිරීම සඳහා සියලු දෙනා එකට එක්ව වැඩ කළ යුතු බව අග්රාමාත්ය ආචාර්ය හරිනි අමරසූරිය පවසයි. ඊට අදාළව දෙමාපියන් සහ සමාජයේ අනෙකුත් පාර්ශ්වයන් දැනුවත් කිරීම දේශපාලන අධිකාරියට මෙන්ම මුල් ළමාවිය අධ්යාපන අංශයේ නිලධාරීන්ට පැවරෙන වගකීමක් බවද අග්රාමාත්යවරිය සඳහන් කළාය.
ඉසුරුපාය අධ්යාපන අමාත්යාංශ පරිශ්රයේදී පැවති ජාතික මුල් ළමාවිය අධ්යාපන විෂයමාලා රාමුවට අනුව සකස් කරන ලද ගුරු මාර්ගෝපදේශය සහ ක්රියාකාරකම් මාර්ගෝපදේශ සංග්රහය එළිදැක්වීමේ වැඩසටහනට එක්වෙමින් ඇය මෙම අදහස් පළ කළාය.
සෑම දරුවෙකුටම “නිවැරදි ආරම්භයක්” (Starting Right) යන තේමාව යටතේ සකස් කර ඇති මෙම මුල් ළමාවිය සහායක සම්පත් මාර්ගෝපදේශ සංග්රහය, ගුරු මාර්ගෝපදේශය, යෝජිත ක්රියාකාරකම් මාර්ගෝපදේශය, ඉගැන්වීම් ඉගෙනුම් ද්රව්ය අත්පොත සහ Master Material පුහුණු අත්පොත ලෙස ප්රධාන ක්ෂේත්ර හතරකින් සමන්විත වේ. මෙම වැඩපිළිවෙළ අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ සහ කාන්තා හා ළමා කටයුතු අමාත්යාංශයේ මෙහෙයවීම යටතේ, ජාතික අධ්යාපන ආයතනය ඇතුළු ආයතන ගණනාවක ඒකාබද්ධතාවයෙන් ක්රියාත්මක කර ඇති අතර, ඒ සඳහා යුනිසෙෆ් (UNICEF) සංවිධානයේ සහාය ද ලැබී ඇත. පූර්ව ළමාවිය අධ්යාපනය සමඟින් ක්රියාත්මක වෙමින් පවතින අධ්යාපන ප්රතිසංස්කරණ සාර්ථකව හඳුන්වාදීමට සැලසුම් කර ඇති අතර, ළමයා මූලික කරගත් ගවේෂණාත්මක සහ ක්රියාකාරකම් පාදක අධ්යාපන ක්රමයක් ඔස්සේ ළමයාගේ මුල් ළමාවිය සංවර්ධනය සඳහා යොමුවිය යුතු ආකාරය මෙයින් අර්ථකතනය කරනු ලබයි.
