ශ්රී ලංකාවේ තරුණ කටයුතු සහ ක්රීඩා අමාත්ය සුනිල් කුමාර ගමගේ මහතා සහ මාලදිවයිනේ තරුණ සබල ගැන්වීම්, ක්රීඩා සහ ශාරීරික යෝග්යතා අමාත්ය අබ්දුල්ලා රාෆියු මහතා අතර විශේෂ සාකච්ඡාවක් මාලදිවයිනේදී පැවැත්විණි. දෙරට අතර පවතින ද්විපාර්ශ්වික සබඳතා තවදුරටත් පුළුල් කරමින්, තරුණ සංවර්ධනය හා ක්රීඩා ක්ෂේත්රයේ ප්රගතිය වෙනුවෙන් සහයෝගීතාව දැක්විය හැකි ප්රධාන ක්ෂේත්ර කිහිපයක් පිළිබඳව මෙහිදී අවධානය යොමු විය.
විශේෂයෙන්ම දෙරටේම ක්රීඩක ක්රීඩිකාවන්ගේ ජාත්යන්තර දක්ෂතා ඉහළ නැංවීම සඳහා ඒකාබද්ධ වැඩපිළිවෙළක් සකස් කිරීම, නවීන ක්රීඩා තාක්ෂණය හුවමාරු කර ගැනීම සහ පුහුණුකරුවන් පුහුණු කිරීමේ වැඩසටහන් ක්රියාත්මක කිරීම පිළිබඳව අමාත්යවරුන් දීර්ඝ වශයෙන් අදහස් හුවමාරු කර ගත්හ. මීට අමතරව මාලදිවයිනේ ක්රීඩා යටිතල පහසුකම් වර්ධනය සඳහා අවශ්ය තාක්ෂණික සහ වෘත්තීය සහය ලබාදීමට ද එකඟතාව පළ වී තිබේ.
මෙම රාජ්යතාන්ත්රික හමුව හරහා දෙරටේම තරුණ ප්රජාවට සහ ක්රීඩා වෘත්තිකයින්ට නව අවස්ථා රැසක් උදා වනු ඇතැයි ක්රීඩා අමාත්යාංශය බලාපොරොත්තු පළ කරයි.
