ශ්රී ලංකාවේ ස්ථාවර සහ ජංගම දුරකථන භාවිතය පෙර වසරට සාපේක්ෂව කැපී පෙනෙන වර්ධනයක් පෙන්නුම් කර ඇති බව ඊයේ (අප්රේල් 20) නිකුත් කරන ලද 2025 වාර්ෂික ආර්ථික විවරණය මගින් අනාවරණය කර තිබේ.
මෙම වාර්තාවට අනුව මෙරට දුරකථන ඝනත්වයේ වත්මන් තත්ත්වය මෙසේය:
ජංගම දුරකථන භාවිතය
වත්මන් දත්තවලට අනුව පුද්ගලයන් 100 දෙනෙකු සඳහා ජංගම දුරකථන 147ක් පමණ පවතින අතර, එය 2024 වර්ෂයේ වාර්තා වූ 141.2ක අගයට වඩා සැලකිය යුතු ඉහළ යාමකි. මෙයින් පැහැදිලි වන්නේ මෙරට බහුතරයක් දෙනා ජංගම දුරකථන එකකට වඩා භාවිත කිරීමට පෙළඹී ඇති බවයි.
ස්ථාවර දුරකථන භාවිතය
පසුගිය වසරේදී (2024) පුද්ගලයන් 100 දෙනෙකුට 9.7ක් ලෙස පැවති ස්ථාවර දුරකථන සංඛ්යාව 2025 වසරේදී 12.1ක් දක්වා වර්ධනය වී ඇත.
මෙම දත්ත මගින් තහවුරු වන්නේ මෙරට සන්නිවේදන ක්ෂේත්රයේ පවතින ශීඝ්ර ව්යාප්තිය සහ තාක්ෂණය සමඟ ජනතාව බද්ධ වී ඇති ආකාරයයි.
