නාවික හමුදාධිපති වයිස් අද්මිරාල් ඩේමියන් ප්රනාන්දු මහතා, කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් බැහැදැක නාවික හමුදාවේ ඉදිරි කටයුතු සඳහා ආශීර්වාද ලබාගෙන තිබේ.
ඒ අනුව, නාවික හමුදාපතිවරයා කොළඹ අගරදගුරු නිල නිවස වෙත අද (12) ගොස් කාදිනල් හිමිපාණන් හමුවූ බවයි සඳහන් වන්නේ. මෙම හමුවේදී ජාතික ආරක්ෂාව මෙන්ම ආගමික සංහිඳියාව සම්බන්ධයෙන් නාවික හමුදාව ලබාදෙන දායකත්වය අගරදගුරු හිමිපාණන්ගේ ඇගයීමට ලක් විය. එමෙන්ම, නාවික හමුදාවේ ඉදිරි කටයුතු සාර්ථකව සිදුකිරීම සඳහා නාවික හමුදාධිපතිවරයා ඇතුළු සමස්ත නාවික හමුදාව වෙත කාදිනල් හිමිපාණන් විසින් ආශීර්වාද ප්රාර්ථනා කර ඇත.
