ශ්රී ලංකාවට උතුරු දෙසින් වූ ගැඹුරු මුහුදේදී අයහපත් කාලගුණික තත්ත්වය හේතුවෙන් ආපදාවට පත්ව සිටි ලාංකික ධීවර යාත්රාවක් සහ එහි සිටි ධීවරයින් තිදෙනෙකු (03) නිරුපද්රිතව මුදා ගැනීමට ශ්රී ලංකා නාවික හමුදාව ඊයේ (07) සමත්ව තිබේ.
ධීවරයින් තිදෙනෙකු රැගත් මෙම ධීවර යාත්රාව උතුරු මුහුදේ ධීවර කටයුතු සිදුකරමින් සිටියදී දරුණු ලෙස අයහපත් කාලගුණයට හසුවී ඇති අතර, ඉන් අනතුරුව ඔවුන්ගේ ගොඩබිම සමඟ පැවති සන්නිවේදනය ද මුළුමනින්ම බිඳ වැටී තිබුණි. ඒ පිළිබඳව ධීවර හා ජලජ සම්පත් දෙපාර්තමේන්තුව විසින් සිදුකළ හදිසි දැනුම් දීමකට අනුව වහාම ක්රියාත්මක වූ කොළඹ සමුද්රීය සෙවීම් හා මුදා ගැනීම් සම්බන්ධීකරණ මධ්යස්ථානය (MRCC Colombo) නාවික හමුදා යාත්රා යොදවමින් විශේෂ සෝදිසි මෙහෙයුමක් ආරම්භ කරන ලදී.
ඊයේ සහ පෙරේදා යන දෙදින පුරා නාවික හමුදා යාත්රා මඟින් එම මුහුදු ප්රදේශයේ සිදුකරන ලද අඛණ්ඩ සෝදිසි මෙහෙයුමකදී, අනලයිතිව් දූපතට ඔබ්බෙන් වූ මුහුදු සීමාවේ පාවෙමින් තිබූ මෙම ධීවර යාත්රාව සහ ධීවරයින් සොයා ගැනීමට නාවික හමුදාවට හැකිව තිබේ.
පසුව ඊයේ (07) එම ධීවරයින් තිදෙනා නිරුපද්රිතව මුදාගත් නාවික හමුදා නිලධාරීන්, එන්ජිම අක්රීය වී ආපදාවට පත්ව තිබූ ධීවර යාත්රාව ද නාවික හමුදා යාත්රාවක ආධාරයෙන් ආරක්ෂිතව ගොඩබිම වෙත ඇදගෙන ඒමට කටයුතු කර ඇත.
