අලුත් අවුරුදු නිවාඩුව සඳහා ගම්බිම් බලා ගිය ජනතාවට නැවත කොළඹ බලා පැමිණීම සඳහා අද (අප්රේල් 17) සිට විශේෂ බස් රථ සේවාවක් ආරම්භ කර ඇති බව ජාතික ගමනාගමන කොමිෂන් සභාව පවසයි. මෙම විශේෂ ප්රවාහන සේවාව අද සිට ලබන සඳුදා උදෑසන දක්වා අඛණ්ඩව ක්රියාත්මක කිරීමට සැලසුම් කර තිබේ.
මාකුඹුර බහුවිධ ප්රවාහන මධ්යස්ථානයේ කළමනාකරණ සහකාර නිමල් වෙත්තසිංහ මහතා සඳහන් කළේ, මගීන්ගේ පැමිණීම මත පදනම්ව කාලසටහන් සංශෝධනය කරමින් අවශ්ය පරිදි බස් රථ ධාවනයට එක් කරන බවයි. විශේෂයෙන් ප්රධාන නගර වෙත මගීන් පැමිණෙන ප්රමාණය අනුව ඉතා ඉක්මනින් බස් රථ පිටත් කර හැරීමට කටයුතු යොදා ඇති අතර, ඒ හරහා මගී ජනතාවට සිදුවන අපහසුතා අවම කිරීමට පියවර ගෙන ඇත. අද දිනයේ සිට ජනතාව වැඩි වශයෙන් කොළඹ බලා පැමිණෙනු ඇතැයි අපේක්ෂිතය.
