ශ්රී ලංකාවේ පකිස්ථාන ඉස්ලාමීය ජනරජයේ මහ කොමසාරිස්, මේජර් ජෙනරාල් (විශ්රාමික) නයියර් නසීර් මහතා ඊයේ (අප්රේල් 30) අරලියගහ මන්දිරයේදී අග්රාමාත්ය ආචාර්ය හරිනි අමරසූරිය මෙනෙවිය හමු විය.
‘දිට්වා’ (Ditwah) සුළි කුණාටුවෙන් පසුව පකිස්ථාන රජය ශ්රී ලංකාව වෙත ලබාදුන් අඛණ්ඩ සහයෝගය සහ සහාය පිළිබඳව අග්රාමාත්යතුමිය මෙහිදී සිය කෘතඥතාව පළ කළාය. ගෞරවය, මිත්රත්වය සහ පොදු අභිලාෂයන් මත පදනම් වූ දෙරට අතර පවතින දිගුකාලීන සබඳතා පිළිබඳව ද මෙහිදී දෙපාර්ශවයම සිහිපත් කළහ.
ද්විපාර්ශ්වික සබඳතා තවදුරටත් ශක්තිමත් කිරීමට ශ්රී ලංකාවේ ඇති කැපවීම මෙහිදී යළි තහවුරු කෙරුණු අතර අධ්යාපන, සංචාරක සහ ක්රීඩා වැනි ප්රධාන ක්ෂේත්රයන්හි සහයෝගීතාව වර්ධනය කිරීමේ වැදගත්කම පිළිබඳව ද අවධානය යොමු විය. දෙරටේ ජනතාව අතර සබඳතා වර්ධනය කිරීම සහ නව සහයෝගීතා අවස්ථා නිර්මාණය කිරීම මෙහි මූලික අරමුණක් විය.
මෙම අවස්ථාවට පකිස්ථාන නියෝජ්ය මහ කොමසාරිස් සුනෙයිරා ලතීෆ්, අග්රාමාත්ය ලේකම් ප්රදීප් සපුතන්ත්රී සහ අතිරේක ලේකම් සාගරිකා බෝගහවත්ත යන මහත්ම මහත්මීන් ඇතුළු පිරිසක් සහභාගී වූහ. විදේශ කටයුතු, විදේශ රැකියා සහ සංචාරක අමාත්යාංශයේ නිලධාරීන් ද මෙම සාකච්ඡාවට එක්ව සිටියහ.
