පාර්ලිමේන්තුව අද (24) පෙරවරු 9.30ට රැස්වීමට නියමිතව ඇති අතර, පෙ.ව. 10.00 සිට 11.00 දක්වා වාචික පිළිතුරු අපේක්ෂා කරන ප්රශ්න සඳහාත්, ඉන්පසු ස්ථාවර නියෝග 27(2) යටතේ වන ප්රශ්න සඳහාත් කාලය වෙන් කර ඇත. පෙරවරු 11.30 සිට පස්වරු 5.00 දක්වා කිරි නිෂ්පාදන ප්රවර්ධනය කිරීම, කඩොලාන පරිසර පද්ධතිය ආරක්ෂා කිරීම, දුම්රිය මාර්ග පුළුල් කිරීම, කොරෝනා මෘතදේහ ආදාහනය කිරීම සම්බන්ධයෙන් විමර්ශනයට කොමිසමක් පිහිටුවීම, රසායන ද්රව්ය යොදා පලතුරු ඉදවීම නතර කිරීම, වන සතුන් කළමනාකරණය සඳහා ජාතික ප්රතිපත්තියක් සැකසීම සහ කලාපීය විෂමතා අවම කිරීමට අරමුදලක් පිහිටුවීම ඇතුළු පෞද්ගලික මන්ත්රී යෝජනා කිහිපයක් විවාදයට ගැනීමට නියමිතය. අනතුරුව පස්වරු 5.00 සිට 5.30 දක්වා විපක්ෂය ගෙනෙනු ලබන සභාව කල්තබන අවස්ථාවේ යෝජනාව විවාදයට ගැනෙනු ඇත.
