කථානායක වෛද්ය ජගත් වික්රමරත්න මහතාගේ ප්රධානත්වයෙන් අද (18) දිනට නියමිත පාර්ලිමේන්තු සභාවාරයේ කටයුතු ආරම්භ වී ඇති අතර, එහිදී ආණ්ඩුක්රම ව්යවස්ථාව සංශෝධනය කිරීම සඳහා වන 22 වන ආණ්ඩුක්රම ව්යවස්ථා සංශෝධන පනත් කෙටුම්පත සහ අධිකරණ සංවිධාන සංශෝධන පනත් කෙටුම්පත අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා විසින් පාර්ලිමේන්තුවට ඉදිරිපත් කරනු ලබයි.
මෙම 22 වන ව්යවස්ථා සංශෝධනය සම්මත වීමත් සමඟ ශ්රේෂ්ඨාධිකරණ විනිසුරුවරුන්ගේ විශ්රාම වයස අවුරුදු 65 සිට 67 දක්වා ද, අභියාචනාධිකරණ විනිසුරුවරුන්ගේ විශ්රාම වයස අවුරුදු 63 සිට 65 දක්වා ද ඉහළ යනු ඇත. මීට අමතරව, අධිකරණ සංවිධාන සංශෝධන පනත් කෙටුම්පත හරහා මහාධිකරණ, දිසා අධිකරණ සහ මහෙස්ත්රාත් අධිකරණවල විනිසුරුවරුන්ගේ විශ්රාම වයස ද අවුරුදු 62 දක්වා ඉහළ නැංවීමට නියමිතව තිබේ.
