ශ්රී ලංකා පොදුජන පෙරමුණේ සභාපති, ලේකම්, භාණ්ඩාගාරික ඇතුළු එම පක්ෂයේ 8 දෙනෙකුට ඊයේ (31) දින නුවරඑළිය දිසා අධිකරණය හමුවේ පෙනී සිටින ලෙස නුවරඑළිය දිසා විනිසුරු ලංකාගනී ප්රබුද්ධිකා මෙනවිය විසින් මීට පෙර (25) දින නොතිසි නිකුත් කර තිබුණද, එම පිරිස අධිකරණය හමුවේ පෙනී නොසිටීම හේතුවෙන් නඩුව යළි අගෝස්තු 17 වන දින කැඳවීමට නියෝග කර ඇත.
තලවකැලේ ලිදුල නගර සභාවේ ශ්රී ලංකා පොදුජන පෙරමුණේ නාගරික මන්ත්රීවරයෙකු වශයෙන් කටයුතු කළ ඔරුකද ලියනගේ අසංක සම්පත් පීරිස් මහතා ධුරයෙන් ඉවත් කිරීම සම්බන්ධයෙන් ගැසට් පත්රයක් නිකුත් කිරීම හරහා තමාට අසාධාරණයක් සිදුවී ඇති බවට ඉදිරිපත් කළ පෙත්සමක් සලකා බැලීමෙන් අනතුරුව මෙම නියෝගය කර තිබේ. සභාපතිවරයා සහ උප සභාපතිවරයා තෝරා පත් කර ගැනීමේදී පක්ෂයේ උපදෙස්වලට පටහැනිව කටයුතු කළ බවට චෝදනා කරමින් තමන්ව පක්ෂ සාමාජිකත්වයෙන් ඉවත් කර ඇති බවත්, එය අසාධාරණ බැවින් අදාළ ගැසට් පත්රය බල රහිත කර යළි තමන්ට ධුරයේ කටයුතු කිරීමට ඉඩ සලසන ලෙසත්, පක්ෂයෙන් සිදුවූ අගතිය වෙනුවෙන් රුපියල් කෝටි 5ක වන්දියක් ඉල්ලා මෙම පෙත්සම ගොනු කර ඇත
