පොලිස් නිලධාරීන්ට හදිසි මූල්ය අවශ්යතාවකදී පහසුවෙන් ණය මුදලක් ලබාගැනීමට හැකිවීම මෙන්ම පහසුවෙන් ප්රතිලාභ ලබාගත හැකි ඉතුරුම් ක්රමයක් ඇති කිරීමේ අරමුණින් 1924 වර්ෂයේදී එවකට පොලිස් අධිකාරි ජේ.ඩී. එයිට්කන් මහතා විසින් ආරම්භ කරන ලද පොලිස් ඉතිරි කිරීමේ සංගමය මේ වන විට වසර 100කට ආසන්න කාලයක් පුරා පොලිස් නිලධාරීන්ගේ මූල්ය ස්ථාවරත්වය වෙනුවෙන් කටයුතු කරමින් සිටී.
පොලිස් නිලධාරියෙකු විශ්රාම යන අවස්ථාවේදී යහපත් මූල්ය ස්ථාවරත්වයකින් යුතුව විශ්රාම දිවියට පිවිසීමටද මෙම ඉතුරුම් ක්රමය වර්තමානය දක්වාම මහඟු පිටුවහලක් වී තිබේ.
පොලිස්පතිවරයාගේ සෘජු අධීක්ෂණය යටතේ පොලිස් ඉතිරි කිරීමේ සංගමයේ නිලධාරීන් විසින් වඩාත් ක්රමානුකූලව සහ නව තාක්ෂණයට අනුගත වෙමින් පවත්වාගෙන යනු ලබන මෙම ඉතුරුම් ක්රමයේ 2025–2026 වසරට අදාළ වාර්ෂික ප්රගතිය සමාලෝචනය කිරීම සඳහා පැවැත්වෙන 99 වැනි වාර්ෂික මහ සභා රැස්වීම 2026 සැප්තැම්බර් 09 වැනිදා පෙරවරුවේ කොළඹ නියෝජ්ය පොලිස්පති කාර්යාලයේදී පැවැත්විණි.
එම මහ සභා රැස්වීම පොලිස්පති නීතිඥ ප්රියන්ත වීරසූරිය මහතාගේ ප්රධානත්වයෙන් පැවැත්වුණු අතර, එහිදී සංගමයේ 2025–2026 වසරට අදාළ වාර්ෂික කටයුතු සහ ප්රගතිය සමාලෝචනය කිරීමටද කටයුතු කර තිබේ.
එමෙන්ම ඉදිරි වර්ෂය සඳහා පොලිස් ඉතිරි කිරීමේ සංගමයේ විවිධ තනතුරු සඳහා නිලධාරීන් තෝරා පත් කර ගැනීමද මෙහිදී සිදු කෙරිණි.
ඒ අනුව පාලන කමිටුවේ සභාපතිවරයා ලෙස සහකාර සේවා දිසාව භාර ජ්යෙෂ්ඨ නියෝජ්ය පොලිස්පති රාජිත ශ්රී දමින්ද මහතා තෝරා පත් කරගෙන ඇති අතර, ලේකම්වරයා ලෙස පොලිස් සැපයුම් කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි කැලුම් තිලකරත්න මහතා පත් කර තිබේ.
භාණ්ඩාගාරිකවරයා ලෙස තොරතුරු තාක්ෂණ කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි ලක්සිරි ගීතාල් මහතා තෝරා පත් කර ඇති අතර, උප භාණ්ඩාගාරිකවරයා ලෙස කොළඹ මධ්යම කොට්ඨාසයේ පොලිස් අධිකාරි මිනුර සෙනරත් මහතා පත් කර තිබේ.
මෙම මහ සභා රැස්වීම සඳහා සභා පරිපාලනය භාර ජ්යෙෂ්ඨ නියෝජ්ය පොලිස්පති සංජීව ධර්මරත්න මහතා ඇතුළු ජ්යෙෂ්ඨ පොලිස් නිලධාරීන් සහභාගි වූ අතර, සංගමයේ සාමාජික පරීක්ෂක ශ්රේණියේ නිලධාරීන්, කනිෂ්ඨ නිලධාරීන් සහ කාර්ය මණ්ඩල සාමාජිකයන් පිරිසක්ද එක්ව සිටියහ.
වසර 100කට ආසන්න කාලයක් පුරා පොලිස් නිලධාරීන්ගේ ඉතුරුම් ප්රවර්ධනය කිරීම, හදිසි මූල්ය අවශ්යතා සඳහා සහන සැලසීම සහ විශ්රාම දිවිය සඳහා මූල්ය ස්ථාවරත්වයක් ගොඩනඟා ගැනීමට අවශ්ය සහාය ලබාදීම සඳහා පොලිස් ඉතිරි කිරීමේ සංගමය සිදුකරන කාර්යභාරය මෙරට පොලිස් සේවයේ සාමාජිකයන් වෙනුවෙන් වැදගත් මූල්ය සහායක ක්රමවේදයක් ලෙස සැලකිය හැකිය.
