රාජ්ය අංශයේ විවිධ ආයතනවල තාවකාලික පදනම මත සේවය කරන සේවකයින් ස්ථිර සේවයට ඇතුළත් කරගැනීම සඳහා අමාත්ය මණ්ඩලයේ අනුමැතිය හිමිව තිබේ. 2026 අයවැය යෝජනාවලට අනුව ක්රියාත්මක වන මෙම වැඩපිළිවෙළ යටතේ රාජ්ය සේවය, පළාත් රාජ්ය සේවය, රාජ්ය සංස්ථා සහ ව්යවස්ථාපිත මණ්ඩලවල සේවය කරන සේවකයින් 9,800කට ආසන්න පිරිසකට මෙම සහනය හිමිවීමට නියමිතය.
මෙලෙස ස්ථිර පත්වීම් ලබාදීමට නියමිතව ඇත්තේ තාවකාලික, අනියම් (දෛනික), ආදේශක, කොන්ත්රාත් හෝ සහන පදනම මත දැනට සේවයේ නියුතු පිරිස වෙතයි. මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස ජනාධිපතිවරයා සහ රාජ්ය පරිපාලන අමාත්යවරයා විසින් ඉදිරිපත් කළ ඒකාබද්ධ යෝජනාවකට අනුව මෙම තීරණය ගෙන ඇත.
මෙම පත්වීම් ලබාදීමේ ක්රියාවලිය විධිමත් කිරීම සඳහා අවශ්ය චක්රලේඛය කඩිනමින් නිකුත් කිරීමට ද රජය පියවර ගෙන තිබේ. මෙමඟින් වසර ගණනාවක් තිස්සේ අනියම් පදනම මත සේවය කළ සේවකයින්ගේ රැකියා සුරක්ෂිතතාව තහවුරු වන අතර රාජ්ය සේවයේ කාර්යක්ෂමතාව ඉහළ නැංවීම ද රජයේ අපේක්ෂාවයි.
