දින හයක් තිස්සේ දිගින් දිගටම පහත වැටෙමින් තිබූ බ්රිතාන්යයේ ප්රධාන කොටස් වෙළඳපොළ දර්ශකය වන FTSE 100, අද (2026.04.28) සුළු වර්ධනයක් පෙන්නුම් කරමින් එම පසුබෑම අවසන් කිරීමට සමත්ව තිබේ. ලෝක ප්රකට බලශක්ති සමාගමක් වන BP හි පළමු කාර්තුවට අදාළ ලාභය අපේක්ෂිත මට්ටමට වඩා ඉහළ අගයක් ගැනීම මෙම වර්ධනයට ප්රධානතම හේතුව වී ඇත.
අද දින පස්වරු 3.49 වන විට (GMT 1019) FTSE 100 දර්ශකය 0.4% කින් ඉහළ ගොස් 10,367.61 දක්වා වර්ධනය විය. කෙසේ වුවද, මධ්යම පරිමාණ සමාගම් නියෝජනය කරන FTSE 250 දර්ශකය 0.2% ක සුළු පහත වැටීමක් පෙන්නුම් කළ අතර එය සිව්වන දිනටත් දිගටම සිදුවන පසුබෑමකි.
මෑත කාලීනව පවතින ජූදේශපාලනික නොසන්සුන්තා මධ්යයේ වුවද, බලශක්ති ක්ෂේත්රයේ කොටස්වල දක්නට ලැබුණු මෙම උනන්දුව ලන්ඩන් කොටස් වෙළඳපොළට සුභවාදී බලපෑමක් එල්ල කර තිබේ.
