ආර්ථික විද්යාව සහ සාමය පිළිබඳ ආයතනය (IEP) විසින් නිකුත් කරන ලද 20 වැනි වාර්ෂික ගෝලීය සාම දර්ශකය (Global Peace Index 2026) අනුව ශ්රී ලංකාව දකුණු ආසියානු කලාපයේ දෙවැනි වඩාත්ම සාමකාමී රට ලෙස ශ්රේණිගත කර තිබේ. කලාපයේ ප්රමුඛයා ලෙස භූතානය පසුවන අතර ශ්රී ලංකාව දෙවැනි ස්ථානය දිනාගෙන ඇත.
මෙවර දර්ශකයට අනුව ශ්රී ලංකාව ගෝලීය වශයෙන් ස්ථාන 14කින් ඉදිරියට පැමිණෙමින් සමස්ත රටවල් අතරින් 67 වැනි ස්ථානය හිමිකරගෙන තිබේ. පසුගිය වසරේ (2025) ශ්රී ලංකාව පසුවූයේ 97 වැනි ස්ථානයේය.
කැපී පෙනෙන වර්ධනයක්
ගෝලීය වශයෙන් සාමකාමීත්වය 0.7%කින් පහත වැටී ඇති පසුබිමක, ශ්රී ලංකාව සිය සමස්ත දර්ශක අගය 2.3%ක සාධනීය මට්ටමකින් ඉහළ නංවා ගැනීමට සමත්ව ඇත. මීට ප්රධාන වශයෙන්ම මිලිටරීකරණ අංශයේ (Militarisation domain) සිදුවූ 6.4%ක ප්රගතිය, එක්සත් ජාතීන්ගේ සාම සාධක අරමුදල් දායකත්ව දර්ශකයේ (UN peacekeeping funding) 40.8%ක කැපී පෙනෙන වර්ධනය මෙන්ම දේශපාලන අස්ථාවරත්වය 25%කින් අඩු වීමත් සමඟ ආරක්ෂාව සහ සුරක්ෂිතභාවය පිළිබඳ අංශයේ (Safety and Security domain) සිදුවූ 1.8%ක වර්ධනය සෘජුවම දායක වී තිබේ.
රටවල් තුළ පවතින ආරක්ෂාව, සමාජ ස්ථාවරත්වය, අභ්යන්තර හා බාහිර ගැටුම් මට්ටම් මෙන්ම දේශපාලන ස්ථාවරත්වය ඇතුළු දර්ශක 23ක් සැලකිල්ලට ගනිමින් රටවල් 163ක් ඇසුරින් මෙම ශ්රේණිගත කිරීම් සකස් කර ඇත.
