පසුගිය බදාදා දිනයට සාපේක්ෂව අද (21) දින ශ්රී ලංකාවේ ප්රමුඛ පෙළේ වාණිජ බැංකුවල ඇමෙරිකානු ඩොලරයට (USD) සාපේක්ෂව ශ්රී ලංකා රුපියල තවදුරටත් සැලකිය යුතු ලෙස අවප්රමාණය වී තිබේ. විදේශ විනිමය වෙළෙඳපොළ දත්තවලට අනුව, අද දින ඩොලරයේ නිල විකුණුම් අනුපාතය (Selling Rate) රුපියල් 350 සීමාව ද ඉක්මවා ගොස් ඇති බව වාර්තා වේ.
විශේෂයෙන්ම දිවයිනේ ප්රධාන පෙළේ වාණිජ බැංකුවක් වන NDB බැංකුව (National Development Bank) විසින් අද දින ප්රකාශයට පත් කරන ලද විදේශ විනිමය අනුපාතයන්ට අනුව, ඇමෙරිකානු ඩොලරයක මිලදී ගැනීමේ අනුපාතය (Buying Rate) රුපියල් 335 සිට රුපියල් 344 දක්වා ද, එහි විකිණීමේ අනුපාතය රුපියල් 345 සිට රුපියල් 354 දක්වා ද ඉහළ ගොස් ඇත. පවතින ආර්ථික සහ වෙළෙඳපොළ තත්ත්වයන් මත මෙලෙස රුපියල අඛණ්ඩව අවප්රමාණය වීම හේතුවෙන් ඉදිරියේදී ආනයනික භාණ්ඩවල මිල ගණන් ද යළිත් වෙනස් වීමේ අවදානමක් පවතින බව මූල්ය විශ්ලේෂකයෝ පෙන්වා දෙති. ලංකා බැංකුව, මහජන බැංකුව සහ කොමර්ෂල් බැංකුව ඇතුළු අනෙකුත් වාණිජ බැංකුවල ද ඩොලරයේ මිල ගණන් මෙලෙස ඉහළ අගයක පවතින බව සඳහන් වේ.
