පාඩු ලබන රාජ්ය ආයතන 32ක් වසා දැමීම හෝ ප්රතිව්යුහගතකරණය සඳහා පත් කෙරුණු විශේෂ ඒකකයට රුපියල් කෝටි 35ක පමණ මුදලක් වැය කර ඇතත්, අපේක්ෂිත අරමුණු මේ දක්වා ඉටුවී නැතැයි ජාතික විගණන කාර්යාලය නිකුත් කළ නවතම වාර්තාවක සඳහන් වේ.
මුදල් අමාත්යාංශයේ 2025 වාර්ෂික වාර්තාවට ඇතුළත් කර ඇති මෙම විගණන වාර්තාවට අනුව, මෙම ඒකකය පවත්වාගෙන යෑම වෙනුවෙන් 2023-2025 අතර කාලය තුළ රුපියල් කෝටි 16ක පමණ මුදලක්ද, උපදේශකයන් වෙනුවෙන් රුපියල් දහනව කෝටි තිස් ලක්ෂයක මුදලක්ද වැය කර තිබේ.
2023 වසරේදී “රාජ්ය ව්යවසාය ප්රතිව්යුහගත කරන ඒකකය” නමින් මුලින්ම ආරම්භ කර ඇති මෙම ඒකකය, 2024 දෙසැම්බර් 31 වන තෙක් අරමුණු ඉටු කර ගැනීමට අපොහොසත් වීම නිසා, 2025 නොවැම්බර් 04 වන දින කැබිනට් අනුමැතිය මත මුදල් ක්රම සම්පාදන සහ ආර්ථික සංවර්ධන අමාත්යාංශය යටතේ “රාජ්ය ව්යවසාය ප්රතිසංස්කරණ ඒකකය” ලෙස නම පමණක් වෙනස් කර යළි පවරා දී ඇත. මෙම කටයුතු සඳහා උපදේශකයන් සම්බන්ධ කරගෙන ඇත්තේ ගිවිසුම්ගත විදේශීය ආයතන දෙකකිනි.
