පොල් වගාකරුවන් වෙනුවෙන් සාධාරණ අවම මිලක් (Floor Price) හඳුන්වා දීම සහ පාරිභෝගිකයන්ට සහන මිලකට පොල් ලබාදීම සඳහා ගත යුතු කඩිනම් ක්රියාමාර්ග පිළිබඳ විශේෂ සාකච්ඡාවක් වැවිලි හා ප්රජා යටිතල පහසුකම් අමාත්යාංශයේදී පවත්වා තිබේ. ලෝක වෙළෙඳපොළේ පොල් මිල පහළ යාම හේතුවෙන් දේශීය වගාකරුවන්ට එල්ල වී ඇති ආර්ථික බලපෑම්වලින් ඔවුන් ආරක්ෂා කරගනිමින් කර්මාන්තයේ ස්ථාවරභාවය රැකගැනීම මෙහි ප්රධාන අරමුණ වී ඇත. 2030 වසර වන විට මෙරට වාර්ෂික පොල් නිෂ්පාදනය ගෙඩි මිලියන 4,200 දක්වා ඉහළ නැංවීමටත්, පොල් ආශ්රිත අපනයන ආදායම ඇමෙරිකානු ඩොලර් බිලියන 1.5ක් දක්වා වර්ධනය කිරීමටත් රජය ජාතික ඉලක්ක තබා ඇති අතර, ඒ සඳහා නිෂ්පාදන පිරිවැය අවම කර වෙළෙඳපොළ මිල ස්ථාවර කිරීම අත්යවශ්ය බව එහිදී අවධාරණය කෙරිණි.
මේ යටතේ ඉදිරි මිල පාලනය සහ කර්මාන්තයේ තිරසාර සංවර්ධනය වෙනුවෙන් කඩිනම් තීරණ ගැනීම සඳහා පොල් වගාකිරීමේ මණ්ඩලය, පොල් සංවර්ධන අධිකාරිය, පොල් පර්යේෂණ ආයතනය ඇතුළු වගාකරුවන්, සැකසුම්කරුවන් සහ සියලුම ක්ෂේත්ර පාර්ශ්වකරුවන් සම්බන්ධ කරගනිමින් පුළුල් සාකච්ඡාවක් කඩිනමින් කැඳවීමට ද මෙහිදී උපදෙස් ලබාදී තිබේ.
