ලෝක සෞඛ්ය සංවිධානයේ (WHO) ජාත්යන්තර ප්රමිතීන්ට අනුව සිගරට් සිල්ලර මිලෙන් අවම වශයෙන් 75%ක් බදු වශයෙන් පැවතිය යුතු වුවත්, ශ්රී ලංකාව එම නිල ප්රතිපත්තිය ක්රියාවට නැංවීමට අපොහොසත් වීම හේතුවෙන් වසරකට රුපියල් කෝටි 1,730ක දැවැන්ත ජාතික ආදායමක් අහිමි කරගනිමින් සිටින බව වේරිටේ රිසර්ච් (Verité Research) ආයතනය පෙන්වා දෙයි. ශ්රී ලංකාව 2018 වසරේදී 74%ක ඉහළ බදු ප්රතිශතයක් පවත්වා ගනිමින් එම ජාත්යන්තර මට්ටමට ඉතා ආසන්නව සිටිය ද, වත්මන් බලධාරීන් අනුගමනය කළ දුර්වල බදු ප්රතිපත්ති හේතුවෙන් 2026 වසර වන විට එම බදු ප්රතිශතය 66.8%ක් වැනි පහළ මට්ටමක් දක්වා සූක්ෂ්ම ලෙස කඩා වැටීමට ඉඩ හැර තිබේ.
මෙම මූල්ය දත්ත මඟින් පැහැදිලි වන්නේ රජය විසින් අනුගමනය කරනු ලබන විද්යාත්මක නොවන බදු ක්රමවේදයන් හේතුවෙන් ජාතික භාණ්ඩාගාරයට ලැබිය යුතු මහා පරිමාණ ආදායම් සෘජුවම දුම්කොළ සමාගමේ පෞද්ගලික ලාභ (Private Profit) ලෙස ගලා යන ආකාරයයි. ජනතාව මත පටවා ඇති අනෙකුත් වක්ර බදු බර ලිහිල් කිරීමට නම්, සිගරට් සඳහා ලෝක සෞඛ්ය සංවිධානය නිර්දේශ කරන 75%ක නිවැරදි බදු ප්රතිශතය වහාම ක්රියාවට නංවා අහිමි වන මෙම රුපියල් කෝටි 1,730ක මූල්ය ප්රතිපාදනය රජය සතු කරගත යුතු බව ආර්ථික විද්යාඥයෝ වැඩිදුරටත් අවධාරණය කරති.
