පවතින අයහපත් කාලගුණික තත්ත්වය හේතුවෙන් දිස්ත්රික්ක 15ක ප්රාදේශීය ලේකම් කොට්ඨාස 104කට බලපෑම් එල්ල වී ඇති බව ආපදා කළමනාකරණ මධ්යස්ථානය පවසයි.
ඒ අනුව පසුගිය 19 වැනිදා සිට අද (27) උදෑසන 6.00 දක්වා කාලය තුළ පවුල් 943කට අයත් පුද්ගලයින් 3,495 දෙනෙකු අයහපත් කාලගුණය හේතුවෙන් බලපෑමට ලක්ව තිබේ.
මෙම කාලය තුළ මරණ 3ක්, තුවාල ලැබූ පුද්ගලයින් 5 දෙනෙකු සහ එක් අයෙකු අතුරුදන්වීමක් වාර්තා වී ඇති බවද ආපදා කළමනාකරණ මධ්යස්ථානය සඳහන් කරයි. පූර්ණ නිවාස හානි 2ක් සහ අර්ධ නිවාස හානි 448ක්ද වාර්තා වී තිබේ.
අයහපත් කාලගුණයෙන් වැඩිම බලපෑමක් වාර්තා වී ඇත්තේ මහනුවර දිස්ත්රික්කයෙන් වන අතර එහි පුද්ගලයින් 782 දෙනෙකු බලපෑමට ලක්ව තිබේ. රත්නපුරයෙන් 688ක්, ගම්පහින් 473ක්, මාතරින් 383ක්, පුත්තලමෙන් 310ක් සහ කෑගල්ලෙන් 224ක් ලෙස බලපෑමට ලක්වූ පුද්ගලයින් වාර්තා වී ඇත.
මේ අතර, සුරක්ෂිත මධ්යස්ථාන 5ක පවුල් 36කට අයත් පුද්ගලයින් 124 දෙනෙකු රඳවා සිටින බවද ආපදා කළමනාකරණ මධ්යස්ථානය වැඩිදුරටත් සඳහන් කරයි.
