හෙට (12) දිනයේදී දිවයිනේ ප්රදේශ කිහිපයක වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි.
සබරගමුව පළාතේත්, මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇති විය හැකි අතර බස්නාහිර සහ වයඹ පළාත්වලත්, ගාල්ල සහ මාතර දිස්ත්රික්කවලත් වැසි ස්වල්පයක් අපේක්ෂා කෙරේ. මීට අමතරව ඌව පළාතේ සහ අම්පාර, මඩකලපුව දිස්ත්රික්කවල ස්ථාන කිහිපයක පස්වරු 2.00 න් පසුව වැසි හෝ ගිගුරුම් සහිත වැසි ඇති විය හැක. දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතිනු ඇත.
මධ්යම කඳුකරයේ බටහිර බෑවුම් ප්රදේශවලත්, උතුරු-මැද පළාතේත්, මොණරාගල, පුත්තලම, හම්බන්තොට, ත්රිකුණාමලය සහ මන්නාරම දිස්ත්රික්කවලත් පැයට කිලෝමීටර් 40-50ත් අතර වේගයකින් විටින් විට තද සුළං බලාපොරොත්තු විය හැක.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් ඉල්ලා සිටී.
