කාලගුණ විද්යා දෙපාර්තමේන්තුව විසින් නිකුත් කළ නවතම නිවේදනයට අනුව අද (19) දිනයේ දිවයිනේ ප්රදේශ කිහිපයක වැසි සහිත කාලගුණයක් අපේක්ෂා කෙරේ.
බස්නාහිර, සබරගමුව, වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් අද දිනයේ විටින් විට වැසි හෝ ගිගුරුම් සහිත වැසි ඇති විය හැකි බව එම දෙපාර්තමේන්තුව පවසයි.
එසේම පස්වරු 2.00න් පසුව ඌව පළාතේත්, පොළොන්නරුව, මුලතිව්, අම්පාර සහ මඩකලපුව දිස්ත්රික්කවලත් තැනින් තැන වැසි හෝ ගිගුරුම් සහිත වැසි ඇති වීමේ හැකියාවක් පවතී. ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටී.
