කාලගුණ විද්යා දෙපාර්තමේන්තුව අද (12) නිකුත් කළ නවතම නිවේදනයට අනුව, දිවයිනේ ප්රදේශ කිහිපයක කාලගුණික තත්ත්වයේ වෙනස්කම් සිදුවිය හැකිය.
බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල අද දිනය තුළ විටින් විට වැසි හෝ ගිගුරුම් සහිත වැසි ඇති විය හැකි බව වාර්තා වේ. මෙම ප්රදේශවල ඇතැම් ස්ථානවලට මිලිමීටර් 75 ඉක්මවූ තරමක තද වැසි ඇදහැලීමේ හැකියාවක් පවතින බැවින් ඒ පිළිබඳව අවධානයෙන් සිටින ලෙස කාලගුණ විද්යා දෙපාර්තමේන්තුව ජනතාවට දන්වා සිටියි.
ගිගුරුම් සහිත වැසි පවතින අවස්ථාවලදී අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙසද කාලගුණ විද්යා දෙපාර්තමේන්තුව ජනතාවගෙන් කාරුණිකව ඉල්ලා සිටී.
