දිවයින පුරා බොහෝ ප්රදේශවල අද (අප්රේල් 20) පස්වරු 1:00න් පමණ පසුව ගිගුරුම් සහිත වැසි සමඟ ප්රබල අකුණු ඇති වීමේ ඉහළ හැකියාවක් පවතින බව කාලගුණවිද්යා දෙපාර්තමේන්තුව පවසයි. මෙම තත්ත්වයත් සමඟ අදාළ ප්රදේශවල තාවකාලිකව තද සුළං ද ඇති විය හැකි බව එම නිවේදනයේ සඳහන් වේ.
අකුණු මඟින් සිදුවන අනතුරු අවම කර ගැනීම සඳහා ජනතාව පහත සඳහන් ආරක්ෂිත පියවර අනුගමනය කරන ලෙස කාලගුණවිද්යා දෙපාර්තමේන්තුව ඉල්ලා සිටියි.
ගිගුරුම් සහිත වැසි පවතින අවස්ථාවලදී එළිමහනේ හෝ ගස් යට රැඳී සිටීමෙන් වළකින්න. විවෘත වාහන (ට්රැක්ටර්, බයිසිකල්) භාවිතයෙන් වැළකී ආරක්ෂිත ගොඩනැඟිල්ලක් හෝ ආවරණය වූ වාහනයක් තුළ රැඳී සිටින්න. රූපවාහිනී, පරිගණක ඇතුළු විදුලි උපකරණ ප්රධාන විදුලි පද්ධතියෙන් විසන්ධි කර තැබීමට වගබලා ගන්න. දුරකථන භාවිතය සහ ජල කරාම ස්පර්ශ කිරීමෙන් වැළකී සිටීම ද මෙවැනි අවස්ථාවලදී ඉතා වැදගත් වේ.
