2026 වසරේ ශීත ඍතුවේදී ජාත්යන්තර ගුවන් සමාගම් කිහිපයක් ශ්රී ලංකාවට නව ගුවන් ගමන් ආරම්භ කිරීමට සැලසුම් කර ඇති බව සංචාරක නියෝජ්ය අමාත්ය මහාචාර්ය රුවන් රණසිංහ මහතා පවසයි.
ඒ අනුව Vietnam Airlines, VietJet, Jetstar, British Airways, French Bee, S7 Airlines (JSC Siberia Airlines) සහ Supernova Airlines යන ගුවන් සේවාවන් මෙරටට සිය සේවා ආරම්භ කිරීමට නියමිතය.
මීට අමතරව, තුර්කි ගුවන් සේවය, එමිරේට්ස් සහ කටාර් ගුවන් සේවය දැනටමත් තම ගුවන් වාර ප්රමාණයන් වැඩි කර ඇති බවත්, තවත් ගුවන් සමාගම් කිහිපයක් සමඟ ඉදිරි මෙහෙයුම් සම්බන්ධයෙන් සාකච්ඡා පවත්වමින් පවතින බවත් අමාත්යවරයා වැඩිදුරටත් සඳහන් කළේය. මෙම නව ගුවන් සේවා සම්බන්ධතාවන් හරහා ශ්රී ලංකාවේ ගුවන් සේවා ක්ෂේත්රයේ ප්රකෘතිමත් වීම සහ සංචාරක ක්ෂේත්රයේ දියුණුව අපේක්ෂා කෙරේ.
