මවගෙන් දරුවාට HIV සහ උපදංශ (Syphilis) සම්ප්රේෂණය වීම මහජන සෞඛ්ය ප්රශ්නයක් නොවන මට්ටමට සාර්ථකව අවම කර, එම තත්ත්වය අඛණ්ඩව පවත්වාගෙන යාම වෙනුවෙන් ලෝක සෞඛ්ය සංවිධානය (WHO) විසින් ශ්රී ලංකාවට විශේෂ ඇගයීමක් පිරිනමා තිබේ. ලෝක සෞඛ්ය සංවිධානයේ ප්රමිතීන් සහ ගෝලීය උපදේශන කමිටු නිර්දේශයන්ට අනුකූලව මෙරට සෞඛ්ය ක්ෂේත්රය අත්කරගත් මෙම සුවිශේෂී ප්රගතිය ජාත්යන්තරයේ ඇගයීමට ලක්ව ඇත්තේ ස්විස්ටර්ලන්තයේ ජිනීවා නුවර පැවැත්වෙන 79 වන ලෝක සෞඛ්ය සමුළුවේදීය. එහිදී ලෝක සෞඛ්ය සංවිධානයේ අධ්යක්ෂ ජනරාල් වෛද්ය ටෙඩ්රොස් අද්භානම් ගෙබ්රෙයෙසස් (Dr. Tedros Adhanom Ghebreyesus) මහතා විසින් අදාළ නිල ඇගයීම් සහතික පත්රය සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා වෙත පිරිනමනු ලැබීය.
