රාජ්ය සේවාවට බඳවාගැනීම් සිදු කිරීමේදී කිසිදු ආකාරයක දේශපාලන මැදිහත්වීම් හෝ අමාත්යවරයාගේ නාම ලේඛන ඉදිරිපත් කිරීමක් සිදු නොවන බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා අවධාරණය කරයි. අමාත්යවරයා මේ බව සඳහන් කළේ ශ්රී ලංකා තැපැල් දෙපාර්තමේන්තුවේ අධීක්ෂණ කළමනාකරණ සහකාර – III ශ්රේණියේ තැපැල් සේවා නිලධාරී තනතුරු සඳහා පත්වීම් ලිපි ප්රදානය කිරීමේ උත්සවයකට එක්වෙමිනි.
මෙම පත්වීම් ලිපි ප්රදානය කිරීම පසුගිය දිනක තැපැල් මූලස්ථාන ශ්රවණාගාරයේදී සිදු කෙරිණි. එහිදී සුදුසුකම් සපුරාලූ 326 දෙනෙකු සඳහා පත්වීම් ලිපි ප්රදානය කළ අතර, අමාත්යවරයා පෙන්වා දුන්නේ බඳවාගැනීම් සිදු කරනුයේ නිසි පරිදි අයදුම්පත් කැඳවීම, තරග විභාග සහ සම්මුඛ පරීක්ෂණ පවත්වා පමණක් බවයි.
එමෙන්ම, 2016 වසරෙන් පසු රාජ්ය සේවයට එක්වන පිරිසට විශ්රාම වැටුප් අයිතිය අහිමි වේද යන අවිනිශ්චිතතාවයට කැබිනට් මණ්ඩලය මගින් විසඳුම් ලබා දී ඇති අතර, රාජ්ය සේවය කාර්යක්ෂම කිරීමට සහ ඔවුන්ගේ පහසුකම් වැඩිදියුණු කිරීමට රජය විශාල මුදලක් වෙන් කර ඇති බව ද අමාත්යවරයා වැඩිදුරටත් සඳහන් කළේය.
