ශ්ර්රී ලංකාවට පසුගිය වසර 26 ක කාලය තුළ ඔලිම්පික් පදක්කමක් දිනා ගැනීමට නොහැකි වී තිබෙන්නේ හිටපු ක්රීඩා පරිපාලකයින්ගේ වැරදි සහගත ක්රියාකලාපය නිසා බව ඔලිම්පික් පදක්කම් ලාභී සුසන්තිකා ජයසිංහ මහත්මිය ප්රකාශ කරයි. ඇය මේ අදහස් පළ කළේ අයි.ටී.එන්. (ITN) නාළිකාවේ විකාශය වන ස්පෝර්ට්ස් ෆේස් ටු ෆේස් (Sports Face To Face) වැඩසටහනට එක්වෙමිනි.
ක්රීඩක ක්රීඩිකාවන්ගේ දක්ෂතා වැඩිදියුණු කිරීම සඳහා අවශ්ය මූලික පහසුකම් සහ නිසි සැලසුම් සකස් කිරීම වෙනුවට, අතීතයේ සිටම ක්රීඩා ක්ෂේත්රයේ පැවති අදූරදර්ශී පරිපාලන තීරණ හේතුවෙන් ශ්ර්රී ලංකා ක්රීඩාව විශාල පසුබෑමකට ලක්ව ඇති බව ඇය එහිදී පෙන්වා දුන්නාය. එම පරිපාලකයින් තමන්ගේ පෞද්ගලික අරමුණු ඉටු කර ගැනීමට ක්රීඩා සංගම් භාවිත කිරීම ඔලිම්පික් මට්ටමේ සාර්ථකත්වයක් ලැබීමට විශාල බාධාවක් වූ බව ඇය අවධාරණය කළාය.
ශ්ර්රී ලංකාව ඔලිම්පික් ඉතිහාසයේ අවසන් වරට පදක්කමක් දිනාගනු ලැබුවේ 2000 වසරේදී වන අතර, එතැන් සිට මේ දක්වා වසර 26 ක් ගතවී තිබුණද ජාත්යන්තර තලයේ ඉහළම ජයග්රහණයක් වාර්තා කිරීමට මෙරටට නොහැකි වී තිබේ. ක්රීඩා ක්ෂේත්රයේ පවතින මෙම ව්යුහාත්මක ගැටළු නිරාකරණය කරමින් දක්ෂ ක්රීඩකයින්ට නිසි ඇගයීමක් සහ අවස්ථාවක් ලබා දීම වර්තමාන ක්රීඩා පාලනාධිකාරීන්ගේ වගකීමක් බව ද ඇය වැඩිදුරටත් සඳහන් කළාය.
