සිරියාවේ විදේශ අමාත්ය අසාද් අල්-ෂයිබානි (Asaad al-Shaibani) මහතා නිල සංචාරයක් සඳහා ලෙබනනයට පැමිණ එරට ජනාධිපති, අගමැති සහ පාර්ලිමේන්තු කථානායකවරයා හමුවී විශේෂ සාකච්ඡා පවත්වා තිබේ. සිරියාවේ වත්මන් පාලනය මෙහෙයවන හිටපු කැරලිකාර කණ්ඩායම් සහ ලෙබනනයේ හිස්බුල්ලා සංවිධානය අතර වසර ගණනාවක් තිස්සේ පැවති දරුණු ගැටුම්වලින් පසුව, දෙපාර්ශ්වය අතර මෙවැනි ඉහළ මට්ටමේ දේශපාලන සම්බන්ධතාවක් ඇති වූ පළමු අවස්ථාව මෙය බව විදෙස් මාධ්ය පවසයි.
මෙහිදී ලෙබනන ජාතික ප්රවෘත්ති ඒජන්සිය වෙත අදහස් දක්වමින් සිරියානු විදේශ ඇමතිවරයා කියා සිටියේ, ඉදිරියේදී අවශ්යතාවක් මතු වුවහොත් හිස්බුල්ලා සංවිධානයේ නියෝජිතයන් හමුවී සාකච්ඡා කිරීමට ද සිරියාව විවෘතව සිටින බවයි. එක්සත් ජනපදයෙන් දැඩි පීඩනයක් එල්ල වුවද, ලෙබනනය තුළ කිසිදු හමුදාමය මැදිහත්වීමක් සිදු කිරීමට සිරියාවට අවශ්යතාවක් නොමැති බව ද දමස්කස් පාලනය මෙහිදී අවධාරණය කර ඇත. මේ අතර, හිස්බුල්ලා සංවිධානය සම්පූර්ණයෙන්ම විනාශ කිරීමට ඊශ්රායලය අපොහොසත් වී ඇති බව පවසමින්, සිරියාවට “හිස්බුල්ලා ප්රශ්නය” විසඳිය හැකි බවට ඇමරිකානු ජනාධිපති ඩොනල්ඩ් ට්රම්ප් මීට පෙර ප්රකාශ කර තිබූ පසුබිමක මෙම සංචාරය සිදුවීම විශේෂත්වයකි.
