‘රට හදන තරුණ ජවය’ යන තේමාව යටතේ දිවයිනේ තරුණ තරුණියන් නායකත්වයට ගෙන ඒම අරමුණු කරගනිමින් සමාජවාදී තරුණ සංගමය විසින් සංවිධානය කරනු ලබන SYU Youth Summit වැඩසටහන මේ වනවිට ප්රාදේශීය ලේකම් කොට්ඨාස මට්ටමින් ඉතා සාර්ථකව ක්රියාත්මක වෙමින් පවතී.
ගම්පහ දිස්ත්රික්කයේ මීරිගම ප්රාදේශීය ලේකම් කොට්ඨාසය කේන්ද්ර කරගනිමින් පසුගිය මැයි මස 15 වන දින ආරම්භ වූ මෙම ජාතික වැඩසටහන, මේ වනවිට දිවයිනේ ප්රදේශ රැසක ව්යාප්ත වී ඇත.
මෙම සමුළු ගම්පහ දිස්ත්රික්කයේ මීරිගම, අත්තනගල්ල, බියගම සහ දිවුලපිටිය යන ප්රාදේශීය ලේකම් කොට්ඨාසවලත්, හම්බන්තොට දිස්ත්රික්කයේ තිස්සමහාරාම සහ අම්බලන්තොට ප්රාදේශීය ලේකම් කොට්ඨාසවලත්, කුරුණෑගල දිස්ත්රික්කයේ මල්කඩුවාව සහ නිකවැරටිය ප්රාදේශීය ලේකම් කොට්ඨාසවලත්, කොළඹ දිස්ත්රික්කයේ මහරගම සහ කඩුවෙල ප්රාදේශීය ලේකම් කොට්ඨාස කේන්ද්ර කරගනිමින් පැවැත්වේ.
සමාජ, ආර්ථික සහ දේශපාලන පරිවර්තනයක් වෙනුවෙන් ගොඩනැගී ඇති වත්මන් ජනතා හිතවාදී රජය ආරක්ෂා කරගනිමින්, රටේ නව අභියෝගයන්ට මුහුණදීම සඳහා තරුණ බලය ඒකරාශි කිරීම සහ ඔවුන් ප්රාදේශීය, දිස්ත්රික් සහ ජාතික මට්ටමේ නායකයින් බවට පත් කිරීම මෙම වැඩසටහනේ මූලික අරමුණයි. තවද, ‘පොහොසත් රටක් – ලස්සන ජීවිතයක්’ උදෙසා ජාතික ජන බලවේගයේ ප්රතිපත්ති ප්රකාශනය යථාර්ථයක් කිරීමට රටට ආදරය කරන තරුණ ප්රජාවගේ සක්රීය දායකත්වය ලබාගැනීම මෙහි අපේක්ෂාව වේ.
මෑතකදී කඩුවෙල ප්රාදේශීය ලේකම් කොට්ඨාසයේ පැවති SYU Youth Summit සමුළුවට සහභාගී වූ නාගරික සංවර්ධන නියෝජ්ය අමාත්ය එරංග ගුණසේකර මහතා අවධාරණය කළේ, රට තුළ සිදුවන පරිවර්තනීය වෙනස උදෙසා තරුණ තරුණියන්ගේ සක්රීය දායකත්වය අත්යවශ්ය බවයි. දූෂිතයන්ගෙන් රට ආරක්ෂා කරමින්, මහජන මුදල් හා දේපළ රැකගනිමින් ජනතාව ලබාදුන් ජනවරම ආරක්ෂා කිරීමට තමන් කොන්දේසි විරහිතව කැපවන බවද ඒ මහතා වැඩිදුරටත් ප්රකාශ කළේය.
