දකුණු චීන මුහුදේ තායිවාන පාලනය යටතේ පවතින දෙවන දූපතකට ද තමන් සංචාරය කළ බව තායිවානයේ සාගර කටයුතු පිළිබඳ කවුන්සිලයේ අමාත්ය කුවාන් බි-ලින් මහත්මිය අද (29) ප්රකාශ කළාය. වෙරළාරක්ෂක බලකාය භාරව කටයුතු කරන ඇය, මීට පෙර සංචාරය කළ ඉටු අබා (Itu Aba) දූපතට අමතරව ඒ අසල පිහිටි ජනාවාස නොමැති ෂොංෂෝ රීෆ් (Zhongzhou Reef) වෙත ද ගොස් තිබේ.
තම ෆේස්බුක් පිටුවේ සටහනක් තබමින් ඇය සඳහන් කළේ එහිදී වෙරළ පිරිසිදු කිරීමේ වැඩසටහනකට ද සහභාගී වූ බවයි. අවට රටවලින් ගසාගෙන එන මුහුදු අපද්රව්ය එහිදී සියැසින් දුටු බවත්, ස්ප්රැට්ලි දූපත්වල (Spratly Islands) සේවය කරන වෙරළාරක්ෂක නිලධාරීන්ගේ දෛනික ජීවිතය පිළිබඳව ගැඹුරු අවබෝධයක් ලබාගත් බවත් ඇය වැඩිදුරටත් පැවසුවාය.
ඇයගේ මෙම සංචාරය සම්බන්ධයෙන් වියට්නාමය විරෝධය පළ කර ඇති අතර, එවැනි පැමිණිලි හේතුවෙන් කලාපීය නොසන්සුන්තාවක් ඇති නොවන බව අමාත්යවරිය අවධාරණය කළාය. දකුණු චීන මුහුදේ වැඩි බල ප්රදේශයක අයිතිය තායිවානය සහ චීනය විසින් ඉල්ලා සිටින අතර, තායිවාන ධජය සහිතව ගත් ඡායාරූප ද ඇය මෙහිදී ප්රසිද්ධ කර තිබේ.
