2018 වසරේදී ෆ්ලොරිඩා ප්රාන්තයේ සිදුවූ අධික වේගයෙන් ගමන් කළ මෝටර් රථයක් අනතුරට පත්වීමෙන් යෞවනයෙකු මියයෑමේ සිද්ධියට අදාළව පවරා තිබූ නඩුවක් සමථයකට පත් කරගැනීමට එලොන් මස්ක්ගේ ටෙස්ලා සමාගම එකඟ වී තිබේ. මෙම අනතුරට අදාළ නඩු විභාගය ෆෝර්ට් ලෝඩර්ඩේල් අධිකරණයේදී අද ආරම්භ වීමට නියමිතව තිබුණද, ඊට පෙර දෙපාර්ශ්වය එකඟතාවයකට පැමිණ ඇති බව අධිකරණ වාර්තා හෙළි කරයි.
මියගිය යෞවනයාගේ පාර්ශ්වය චෝදනා කර සිටියේ ටෙස්ලා සමාගමේ කාර්මික ශිල්පියෙකු විසින් මෝටර් රථයේ වේගය සීමා කරන උපාංගය දෙමාපියන්ගේ දැනුවත් කිරීමකින් තොරව අක්රිය කර ඇති බවයි. කෙසේ වෙතත් ටෙස්ලා සමාගම එම චෝදනා ප්රතික්ෂේප කළ අතර අනතුරට හේතුව රියදුරාගේ නොසැලකිලිමත් රිය පැදවීම බව අවධාරණය කළේය. පසුගිය ඉරිදා නිකුත් කළ අධිකරණ නියෝගයකට අනුව ටෙස්ලා සමාගම දැන් මෙම නඩුවේ විත්තිකාර පාර්ශ්වයෙන් ඉවත් කර ඇති අතර, පැමිණිලිකරුවන් සහ සමාගම අතර මෙම එකඟතාවය ඇති වී තිබේ.
