තලවකැලේ නගරයේ ජංගම දුරකථන සහ පාසල් උපකරණ අලෙවි කරන වෙළඳසැලක අයිතිකරුට අයත් ජංගම දුරකථනයක් එම වෙළඳසැලට පැමිණි පුද්ගලයෙකු විසින් සොරාගෙන ගොස් ඇත.
මෙම සිද්ධියට අදාළව අයිතිකරු විසින් ඊයේ (16) තලවකැලේ පොලිසිය වෙත පැමිණිල්ලක් ගොනු කර තිබේ. වෙළඳසැලේ සවි කර තිබූ ආරක්ෂිත කැමරා (CCTV) දර්ශන පරීක්ෂා කිරීමේදී, සැකකරු පළමුව වෙළඳසැලට පැමිණ පිටව ගොස්, වෙළඳසැලේ කිසිවෙකු නොමැති බව තහවුරු කර ගැනීමෙන් අනතුරුව, දෙවන වරට පැමිණ ඉතා සූක්ෂම ලෙස එම දුරකථනය සොරා ගන්නා ආකාරය සටහන් වී ඇත.
මෙම සැකකරු පිළිබඳ තොරතුරක් දන්නේ නම්, ඒ පිළිබඳව තලවකැලේ පොලිසියේ ස්ථානාධිපතිවරයාගේ **071–851103** යන දුරකථන අංකයට දැනුම් දෙන ලෙස වෙළඳසැල් හිමියා ඉල්ලා සිටියි.
