මහනුවර දිගන වික්ටෝරියා ගොල්ෆ් ක්රීඩාංගණයේදී පැවැති ශ්රී ලංකා වෘත්තීය ගොල්ෆ් ක්රීඩකයින්ගේ සංගමයේ (PGTSL) මංගල තරඟාවලිය වන ‘E-Wis’ ශූරතාවලිය ඉතා උත්කර්ෂවත් ලෙස නිමාවට පත්වූ අතර, එහි ශූරතාව දිනා ගැනීමට ප්රබල ක්රීඩක එන්. තන්ගරාජා සමත් විය. දින තුනක් පුරා පැවැති මෙම තරඟාවලියේදී තන්ගරාජා තමා සහභාගී වූ සෑම වටයකම අතිවිශිෂ්ට දක්ෂතා ප්රදර්ශනය කරමින් සමස්ත ලකුණු 209ක් වාර්තා කිරීමට සමත් විය. විශේෂයෙන්ම තරඟාවලියේ පළමු දිනයේදී ලකුණු 65ක් ලබාගනිමින් ඔහු තැබූ දක්ෂතාවය, දිගන වික්ටෝරියා ගොල්ෆ් පිටියේ ඉතිහාසයට එක්වූ තවත් සුවිශේෂී වාර්තාවක් ලෙස සටහන් විය. තන්ගරාජාගේ දින තුනේ ලකුණු සටහන අනුව පළමු දිනයේදී ලකුණු 65ක්ද, දෙවන දිනයේදී ලකුණු 70ක්ද, තුන්වන දිනයේදී ලකුණු 74ක්ද ලෙස සමස්ත ලකුණු 209ක් ලබා ගනිමින් මෙම තරඟාවලිය ජයග්රහණය කළේය. තරඟාවලියේ ආරම්භයේ සිටම සෙසු ක්රීඩකයින්ට දැඩි පීඩනයක් එල්ල කරමින් තරඟාවලිය පුරාම ආධිපත්යය පැතිරවීමට තන්ගරාජා සමත් වූ අතර, දිවයිනේ දක්ෂතම ගොල්ෆ් ක්රීඩකයින් 41 දෙනෙකුගේ සහභාගීත්වයෙන් පැවැති මෙම තරඟාවලිය ශ්රී ලංකා වෘත්තීය ගොල්ෆ් ක්රීඩාවේ නව පරිච්ඡේදයක් සනිටුහන් කළේය.
තරඟාවලියේ නිල මාධ්ය සහකරු ලෙස TTV Media කටයුතු කළ අතර, ශ්රී ලංකා වෘත්තීය ගොල්ෆ් සංචාරය (PGTSL) මඟින් මෙම තරඟාවලිය සංවිධානය කරනු ලැබීය.
– තරඟාවලියේ ලකුණු පුවරුව සහ තොරතුරු
https://pgtofsrilanka.com/ වෙබ් අඩවිය ඔස්සේ
ක්රීඩා ලෝලීන්ට නැරඹිය හැකිය.
