වත්මන් ආණ්ඩුව සැලකිය යුතු වැඩ කොටසක් සිදු කර ඇති බවත් ඉතිරි කාලය තුළදී පොරොන්දු වු ඉදිරි කටයුතු සිදු කිරිමට බල කර යුුතු බව පුරවැසි සංවිධාන එකමුතුවේ කැඳවුම්කරු සමන් රත්නප්‍රිය මහතා පවසයි.
ttvnews.lk වෙබ් අඩවිය විසින් කළ විමසීමකදී ඒ මහතා කියා සිටියේ 2015 යහපාලන ආණ්ඩුව විසින් ලබා දුන් මැ.තිවරණ පොරොන්දු මේ වන විට සැලකිය යුතු ප්‍රමාණයක් සිදු කර ඇති බවයි.
නව ආණ්ඩුක්‍රම ව්‍යවස්ථා කෙටුම්පත ඉදිරිපත් කිරීමට අගමැතිවරයාට මෙන්ම ජනපතිවරයාට බලකිරීම් කරන බවයි. තවද ආණ්ඩුව කළ නොකල දේ සම්බන්ධයෙන් සංවාද පවත්වන බව ද හෙතෙම කියා සිටියේය.
රත්නප්‍රිය මහතා අප වෙත වැඩිදුරටත් කියා සිටියේ ජනතාව පනත්, කෙටුම්පත් සම්බන්ධයෙන් සැලකිලිමත් නොවුවත් රටක අවශ්‍ය වන සංශෝධන ප්‍රමාද නොවී කළ යුතු බවයි.
යහපාලන ආණ්ඩුව බලයට ගෙන ආ මුළික හේතු කාරණාවලදී ඇතැම් සිද්ධින්වලදී යම් පසුබෑමක් දකින්නට ඇති නමුත් ආණ්ඩුවක් වශයෙන් බොහෝ අවස්ථාවලදී ජනතාව සම්බන්ධයෙන් සිිතා කටයුතු කළ ආණ්ඩුවක් බව ඔහු කියා සිටියේය.
