තොඩුවාවේදී 2020 වසරේ සිදු කරන ලද වැටලීමකදී අත්අඩංගුවට ගත්, නඩු කටයුතු අවසන් වූ රුපියල් කෝටි 200කට ආසන්න වටිනාකමකින් යුත් හෙරොයින් කිලෝ 99යි ග්රෑම් 478ක් පුත්තලම වනාතවිල්ලුව ලැක්ටොවත්තේ පිහිටි දහන උදුනේදී පුලුස්සා විනාශ කිරීමට පියවර ගෙන තිබේ.
මාරවිල මහේස්ත්රාත් ගිහාන් බස්නායක මහතාගේ ඉදිරියේ සහ රසායනික පරීක්ෂක දෙපාර්තමේන්තුවේ හා අන්තරායකර ඖෂධ පාලක මණ්ඩලයේ නිලධාරීන්ගේ අධීක්ෂණය යටතේ මෙම විනාශ කිරීම සිදු කෙරිණි. පොලිස් විශේෂ කාර්ය බළකායේ දැඩි ආරක්ෂාව යටතේ මාරවිල මහේස්ත්රාත් අධිකරණයේ සිට මෙම මත්ද්රව්ය තොගය ලැක්ටෝවත්ත වෙත රැගෙන ගොස් පරීක්ෂා කිරීමෙන් අනතුරුව උදුනට දමා පුලුස්සා ඇත. මෙම මත්කුඩු තොගය සමඟ අත්අඩංගුවට ගත් ප්රධාන සැකකරු මියගොස් ඇති අතර, තවත් පුද්ගලයන් සිව් දෙනෙක් නීතිපතිවරයා විසින් සාක්ෂි නොමැතිකම හේතුවෙන් නිදහස් කර තිබේ. ඊට අමතරව, තවත් සැකකරුවන් 6 දෙනෙකුට එරෙහිව නඩු විභාගය පවත්වා ඔවුන් අධිකරණය මඟින් මුදාහැර ඇති බව සඳහන් වේ.
