මෙරට බදු ප්රතිපත්තියේ පවතින දුර්වලතා සහ බලධාරීන්ගේ නිහඬතාවයෙන් අයුතු ප්රයෝජන ගනිමින් ජාතික භාණ්ඩාගාරයට හිමිවිය යුතු රුපියල් කෝටි 1,730ක දැවැන්ත බදු මුදලක් වංචනික ලෙස මඟහරිමින් අතිදැවැන්ත ලාභයක් උපයාගත් බහුජාතික දුම්කොළ සමාගමට එරෙහිව කොළඹ කොටස් වෙළඳපොළ (CSE) තුළ දැවැන්ත විරෝධතා රැල්ලක් මතු කිරීම මේ අවස්වෙථාවේදී කළ යුතුය.
සදාචාරාත්මක ආයෝජන (Ethical Investing) ප්රතිපත්තියක් පෙරදැරි කරගනිමින්, සමාජය වස විසෙන් පුරවන දුම්කොළ සමාගම්වල කොටස් (Tobacco Stocks) මිලදී ගැනීමෙන් මුළුමනින්ම වැළකී සිටින ලෙසටත්, දැනටමත් එම කොටස් මිලදී ගෙන ඇති ආයෝජකයින් සිටී නම් ඒවා වහාම විකුණා දමා (Sell out) දුම්කොළ මාෆියාව වර්ජනය කරන ලෙසත් මේ අවස්ථාවේදී ඉල්ලා සිටින්නේ මහජන බදු සිය ගිණුමට අවස්ථාවාදීව බැර කර ගෙන ඇති දුම්කොළ සමාගම හෙළා දැකීම සදහාය.
වේරිටේ රිසර්ච් ආයතනය සහ විපක්ෂ නායකවරයා විසින් මෑතකදී හෙළිදරව් කරන ලද දත්තයන්ට අනුව, රටේ අනෙකුත් සෑම අත්යවශ්ය භාණ්ඩයකටම වැට් බදු 18% දක්වා ගසද්දී, සිගරට් සමාගම් මිල වැඩි කළ ද රජය සිතාමතාම බදු වැඩි නොකර සිටීම නිසා සිගරට් මිලෙහි අඩංගු බදු ප්රතිශතය 74% සිට 66.8% දක්වා බිඳ වැටී තිබේ. මහජනතාවගේ සෞඛ්යය සූරාකමින් සහ රටේ ආර්ථිකය විනාශ කරමින් උපයාගන්නා මෙම ලේ තැවරුණු ලාභාංශ (Bloody Dividends) මත යැපීම ශිෂ්ට සම්පන්න ආයෝජකයින්ට තරම් නොවේ.
මෙම සදාචාරාත්මක වර්ජනය තුළින් දුම්කොළ කොටස්වල මිල ශීඝ්රයෙන් පහත හෙළා, සමාගමේ මූල්ය ශක්තිය බිඳ දැමීමට එකතු වන ලෙස සමස්ත දේශීය හා විදේශීය ආයෝජක ප්රජාවගෙන් ඉල්ලීමක් කෙරේ.
