හින්දු භක්තිකයින් විසින් සමරනු ලබන ආගමික උත්සවයක් වන දීපවාලී උත්සවය අදට (14) යෙදී තිබේ.
සෞඛ්ය අංශය පැවසුවේ මෙවර කොවිඩ් -19 වෛරසය පවතින තත්ත්වය තුළ ඉතා ආරක්ෂිත ආකාරයට එම උත්සවය සමරන ලෙසයි.
දිපවාලි උත්සවය සම්බන්ධ තොරතුරු කිහිපයක් ..
විෂ්ණු දෙවියන් නරගාසුරන් නමැති අසුරයා පරාජය කිරීම සිහිපත් කරමින් හින්දු බැතිමතුන් දීපාවලී සමරයි. තමන් ආලෝකය ලබා ගත් අයුරින් ලොව සියලු දෙනාට ද ආලෝකය දැකීමට ඉඩ සලසන්නැයි පරාජයට පත් නරගාසුරන් අසුරයා විෂ්ණු දෙවිදුන්ගෙන් ඉල්ලීමක් කර ඇති බව වේද සාහිත්යයේ සඳහන් වනවා.
හින්දු බැතිමතුන් මෙම දිනය සිහිපත් කර පහන් දල්වා ආගමික වතාවත්වල නිරත වන්නේ , ඒ ආලෝකය පරිද්දෙන් සියල්ලන්ගේ සිත් සතන් තුළ ආලෝකය පැතිරේවා යන ඒකායන ප්රාර්ථනය පෙරදැරිවයි. අධර්මය පරදවා ධර්මය ජය ගැනීම සංකේතවත් කරමින් පහන් මාලාවක් දැල්වීම ද දීපාවලී දිනයේ තවත් චාරිත්රයකි.
