ජනාධිපති ඩොනල්ඩ් ට්රම්ප්ගේ පරිපාලනය විසින් ඉදිරිපත් කරන ලද 2027 අයවැය වාර්තාවේ ඇමෙරිකානු ඩොලර් ට්රිලියන 1.5ක දැවැන්ත වාර්ෂික හමුදා වියදමක් සඳහා අනුමැතිය ඉල්ලා සිටියද, දැනට පවතින ඉරාන යුද්ධය සඳහා වැය වන නිශ්චිත පිරිවැය ප්රකාශ කිරීමට ධවල මන්දිර අයවැය අධ්යක්ෂ රසල් වෝට් බදාදා අපොහොසත් විය. නියෝජිත මන්ත්රී මණ්ඩලයේ අයවැය කමිටුව හමුවේ පෙනී සිටි ඔහු කියා සිටියේ යුද්ධය සඳහා අවශ්ය වන මුදල් ප්රමාණය තවමත් ගණනය කරමින් පවතින බැවින් ඒ පිළිබඳව නිවැරදි ඇස්තමේන්තුවක් ලබා දීමට තවමත් සූදානම් නොමැති බවයි. පෙන්ටගනය සිය මූල්ය කටයුතු නිසි ලෙස විගණනය කිරීමට මෙතෙක් අපොහොසත් වී තිබීම සම්බන්ධයෙන් රිපබ්ලිකන් සහ ඩිමොක්රටික් යන දෙපාර්ශවයේම මන්ත්රීවරුන්ගෙන් එහිදී දැඩි විවේචන එල්ල විය. හමුදා වියදම් ඉහළ නැංවීම සඳහා ඇතැම් සමාජ සුබසාධන වැඩසටහන්වල ප්රතිපාදන කප්පාදු කිරීමට යෝජනා වී ඇති අතර එය වංචා සහ දූෂණ වැළැක්වීමේ පියවරක් ලෙස වෝට් විසින් සාධාරණීකරණය කරන ලදී. කෙසේ වෙතත් ට්රම්ප්ගේ මෙම නව අයවැය යෝජනාව කොන්ග්රසය තුළ දැඩි දේශපාලන බාධාවලට ලක්වීමේ වැඩි ඉඩකඩක් පවතින බව නිරීක්ෂණය වන අතර ඉරාන යුද්ධය හේතුවෙන් ඇමෙරිකානු ආර්ථිකයට එල්ල වී ඇති පීඩනය හමුවේ මෙවැනි විශාල ආරක්ෂක වියදම් සම්බන්ධයෙන් කොන්ග්රස් මණ්ඩලය දැඩි ලෙස ප්රශ්න කරමින් සිටී.
