ඉරාන පාලනාධිකාරිය සිය රටේ වැසියන්ට අතිශය අමානුෂික සහ දරුණු ලෙස සලකමින් සිටින බවත්, පවතින විරෝධතාවලට සම්බන්ධ වූ අහිංසක විරෝධතාකරුවන් අතිවිශාල සංඛ්යාවක් අමානුෂික ලෙස ඝාතනය කරමින් සිටින බවත් ඇමෙරිකා එක්සත් ජනපද ජනාධිපති ඩොනල්ඩ් ට්රම්ප් අතිශය උණුසුම් ප්රකාශයක් සිදුකර ඇති බව Al Jazeera පුවත් සේවය වාර්තා කරයි.
‘අල් ජසීරා’ නාලිකාව සමඟ පැවැති විශේෂ සම්මුඛ සාකච්ඡාවකට එක්වෙමින් ජනාධිපති ට්රම්ප් මෙම බරපතල චෝදනාව එල්ල කර ඇති අතර, ඉරාන රාජ්යය තුළ මානව හිමිකම් බරපතල ලෙස කඩවීම සහ ජනතාව මර්දනය කිරීම සම්බන්ධයෙන් ජාත්යන්තරයේ දැඩි අවධානය යොමුවිය යුතු බව ද පෙන්වා දී තිබේ.
ඉරානය තුළ ක්රියාත්මක වන ප්රජාතන්ත්රවාදී විරෝධතා සහ ජනතා නැගීසිටීම් හමුවේ පාලනාධිකාරිය විසින් සිදුකරනු ලබන මෙම මාරාන්තික මර්දනය හේතුවෙන් ඉදිරියේදී ඉරානයට එරෙහිව ජාත්යන්තර වශයෙන් දැඩි රාජ්ය තාන්ත්රික හා හමුදාමය පියවර ගැනීමට ඇමෙරිකාව සූදානම් වන බවට ද මෙම ප්රකාශය හරහා තදින්ම ඉඟි පළවේ.
