ඇමරිකානු ජනාධිපති ඩොනල්ඩ් ට්රම්ප් යම් ගිවිසුමකට එළඹෙන්නේ නම්, එය ඇමරිකාවට මෙන්ම මුළු මහත් ලෝකයටම යහපතක් වන බවට ඔහු විශ්වාස කරන්නේ නම් පමණක් බව අමෙරිකානු ආරක්ෂක ලේකම් පීට් හෙග්සෙත් පවසයි.
සිංගප්පූරුවේ නිල සංචාරයක නිරත වෙමින් සිටියදී මාධ්ය වෙත අදහස් දක්වමින් ආරක්ෂක ලේකම්වරයා මේ බව සඳහන් කළේය. එහිදී ඔහු වැඩිදුරටත් කියා සිටියේ, යුද්ධය අවසන් කිරීම සඳහා ඉරානය සමඟ ගිවිසුමකට එළඹීමට ඇමරිකාව මේ වන විට “හොඳ තැනක” පසුවන බවත්, සාකච්ඡා ඵලදායී මට්ටමක පවතින බවත්ය.
කෙසේ වෙතත්, ජනාධිපති ට්රම්ප් ඕනෑම ගිවිසුමක් සඳහා ඉක්මන් තීරණ ගැනීමට සූදානම් නොමැති බව පීට් හෙග්සෙත් අවධාරණය කළේය. “ජනාධිපතිවරයා එකඟ වන ඕනෑම ගිවිසුමක්, ඔහු එය සිදු කරන්නේ එය අපේ රටට සහ ලෝකයේ ආරක්ෂාවට විශාල දෙයක් යැයි ඔහු විශ්වාස කරන්නේ නම් පමණි” යනුවෙන් ආරක්ෂක ලේකම්වරයා එහිදී වැඩිදුරටත් ප්රකාශ කර තිබේ.
