ඇමරිකානු ජනාධිපති ඩොනල්ඩ් ට්රම්ප් සතු සුඛෝපභෝගී නිවාඩු නිකේතන සහ ගොල්ෆ් ක්රීඩාංගණ පසුගිය වසරේදී සියලුම ආදායම් වාර්තා බිඳදමා ඇති බව වාර්තා වේ. ඒ අනුව ඔහුගේ ප්රධානතම නිවාඩු නිකේතනයක් වන ‘මාර්-ඒ-ලාගෝ’ (Mar-a-Lago) පරිශ්රය පසුගිය වසරේදී පමණක් ඇමරිකානු ඩොලර් මිලියන 77.5ක ආදායමක් උපයා ඇති අතර එය 2020 වසරේ ලැබූ ආදායම මෙන් තුන් ගුණයක වර්ධනයකි. එමෙන්ම මියාමි හි පිහිටි ඔහුගේ ‘ඩොරල්’ (Doral) ගොල්ෆ් ක්රීඩාංගණ සංකීර්ණය ඩොලර් මිලියන 122ක ආදායමක් පසුකර තිබේ. ට්රම්ප් නැවත වරක් ජනාධිපති ධුරයට පත්වීමට ආසන්න වෙත්ම මෙම පරිශ්රයන්හි සාමාජික ගාස්තුව ඩොලර් ලක්ෂයේ සිට ඩොලර් ලක්ෂ 10 (මිලියනයක්) දක්වා අතිදැඩි ලෙස ඉහළ දමා තිබුණ ද, එහි සාමාජිකත්වය ලබාගැනීමට ඇති පෝලිම තවදුරටත් දිගු වී ඇති බව සඳහන් වේ. විචාරකයින් පවසන්නේ බහුතරයක් දෙනා මෙම අධික මුදල ගෙවන්නේ ගොල්ෆ් ක්රීඩා කිරීමට නොව, රාත්රී කාලයේදී එහි රැඳී සිටින ජනාධිපතිවරයාට සමීපව අසුන්ගෙන දේශපාලනික සබඳතා ගොඩනඟා ගැනීමට ඇති කැමැත්ත නිසා බවයි. කෙසේ වෙතත් මෙම ලාභය පිළිබඳව අදහස් දක්වමින් ඩොනල්ඩ් ට්රම්ප් ප්රකාශ කර සිටියේ කොටස් වෙළෙඳපොළ ඉහළ යාම නිසා රටේ සැමටම ලාභ ලැබෙන බවත්, තමන් ද එම ප්රතිලාභ ලබන බවත්ය.
තොරතුරු උපුටා ගැනීම: Mario nawfal(X) ඇසුරින්
