හෝමුස් සමුද්ර සන්ධියෙන් ගමන් ගන්නා නෞකාවලින් බදු අය කිරීමට ඉරානය ගෙන ඇති තීරණය අත්හැර දමා, ඊට වඩා විශාල ආර්ථික ප්රතිලාභ ලැබෙන ගනුදෙනුවකට පැමිණෙන ලෙස ඇමරිකානු ජනාධිපති ඩොනල්ඩ් ට්රම්ප්ගේ විශේෂ දූතයින් පිරිසක් ඉරානයෙන් ඉල්ලා ඇති බව වාර්තා වේ. ට්රම්ප් පරිපාලනයේ මැදපෙරදිග රාජ්ය තාන්ත්රික නියෝජිතයින් වන ස්ටීව් විට්කොෆ් (Steve Witkoff) සහ ජැරඩ් කුෂ්නර් (Jared Kushner) යන මහත්වරුන් කටාර් රාජ්යය වැනි මැදිහත්කරුවන් හරහා ඉරානය වෙත මෙම පණිවිඩය ලබා දී ඇති බව Axios පුවත් සේවය අනාවරණය කරයි.
මෙහිදී ඇමරිකානු දූතයින් පෙන්වා දී ඇත්තේ නෞකාවලින් බලහත්කාරයෙන් මුදල් අය කිරීම “චණ්ඩි ක්රමයක්” (Gangster Tactic) වන අතර, එමඟින් ඉරානයට ලැබෙන්නේ ඉතා සුළු කෙටි කාලීන වාසියක් පමණක් බවයි. ඒ වෙනුවට මෙම බදු අය කිරීමේ සැලසුම අත්හැර දැමුවහොත්, ඉරානයට පනවා ඇති ජාත්යන්තර සම්බාධක සම්පූර්ණයෙන්ම ඉවත් කරවා ගැනීමට සාකච්ඡා කළ හැකි බවත්, එමඟින් ඉරානයේ තෙල් අපනයන ආදායම බිලියන ගණනින් ඉහළ නංවා ගැනීමට අවස්ථාව ලැබෙන බවත් ඇමරිකාව පවසා තිබේ. යුද ගැටුම් මඟහරිමින් සහ මුහුදු මාර්ග ආරක්ෂා කරගනිමින් ඉරානය මෙම වාසිදායක ආර්ථික යෝජනාවට එකඟ වේද යන්න පිළිබඳව දැන් ලෝක දේශපාලනයේ දැඩි අවධානයක් යොමුව ඇත.
තොරතුරු උපුටා ගැනීම: Mario nawfal(X) ඇසුරින්
