පසුගියදා පැවැති ජී-7 (G7) සමුළුව අතරතුරදී ඉතාලි අග්රාමාත්ය ජෝර්ජියා මෙලෝනි (Giorgia Meloni) තමන් සමඟ ඡායාරූපයක් ගැනීමට “ඇවටිලි කළ බවට” (Begged) ඇමෙරිකානු ජනාධිපති ඩොනල්ඩ් ට්රම්ප් කළ ප්රකාශය ඉතාලි අග්රාමාත්යවරිය දැඩි ලෙස ප්රතික්ෂේප කර තිබේ. ඉතාලි ‘La7’ නාලිකාව සමඟ පැවැති සම්මුඛ සාකච්ඡාවකදී ට්රම්ප් මෙම ප්රකාශය කර තිබූ අතර, වීඩියෝ ප්රකාශනයක් නිකුත් කරමින් මෙලෝනි සඳහන් කළේ ට්රම්ප්ගේ එම කතාව “සම්පූර්ණයෙන්ම ගෙතූ එකක්” බවත්, තමන් හෝ ඉතාලිය කිසිවිටෙකත් කිසිවෙකුගෙන් කිසිවක් ඉල්ලා නොසිටින බවත්ය. මෙම මතභේදාත්මක තත්ත්වය තවදුරටත් උග්ර කරමින්, ට්රම්ප්ගේ ප්රකාශය අග්රාමාත්යවරියට මෙන්ම සමස්ත ඉතාලියටම සිදුකළ අපහාසයක් බව පවසමින් ඉතාලි විදේශ අමාත්ය ඇන්ටෝනියෝ ටජානි (Antonio Tajani) සිය ඉදිරි ඇමෙරිකානු සංචාරය ද වහාම අවලංගු කිරීමට පියවර ගෙන ඇත. ඉරාන ගැටුම ඇතුළු ජාත්යන්තර දේශපාලන කරුණු කිහිපයක් මුල් කරගනිමින් දෙරට අතර කලක සිට පැවැති නොසන්සුන්තා මැද මෙම සිදුවීම වාර්තා වන අතර, කලක් සමීප දේශපාලන සබඳතාවක් පැවැත්වූ නායකයින් දෙදෙනා අතර සබඳතා මෙලෙස ප්රසිද්ධියේ පළුදු වීම කැපී පෙනෙන තත්ත්වයකි.
